AMN Hato’o Preokupasaun 4, PN La Konkorda

(Reportajen Asistente Editor Marcelino Tomae)

 DILI (Media ONE Timor) — Maske oras haat nia laran funu ibun entre lider bankada Parlamentu Nasionál (PN) ho reprezentante manifestante  Aliansan Maubere Nasionál  (AMN) maibé nafatin la hetan konkordansia ba ezijensia ne’ebé deskute.

Audensia ne’ebé lidera hosi Prezidente Parlamentu Nasionál (PPN), Aniceito Guterres Lopes iha Kuarta, (23/11/2022) iha salaun konferensia uma fukun PN, lao manas it’oan tanba ne’e maka Jornalista sira la hetan oportunidade atu halo kobertura direta.

Manifestante AMN hato’o sira nia perkupasaun, hanesan; hapara tradisaun sosa laptop no kareta luxu periódikamente. Orsamentu Jerál Estadu  (OJE) kada tinan tenke aloka mak’as ba; setór saúde, agrikultura no edukasaun. Halakon lei pensaun mensál vitalísia. Halakon artigu 5 hosi lei ne’ebé koalia kona-ba liberdade reuniaun no manifestasaun.

Lee Notísia Relevante: PPN Aniceto Duvida ho Prezensa AMN

Tuir reprezentante Aliansa Maubere Nasionál  (AMN) Minguel Monsel ho Vise bankada Kmanek haburas unidade nasionál Timoroan (KHUNTO)             Deputadu Antonio Verdial da Souza   ba Jornalista   iha resintu  uma fukun PN bainhira remata  dialogu hateten tanba lei la hatuur klaru ona maka la hetan konkordansia.

Reprezentante AMN  Minguel Monsel hateten, hafoin manifestasaun ne’ebé hala’o durante besik fulan ida ho balun ne’e, ba dahuluk foin maka hasoru orgaun soberanu ho diferente partidu politika. Ne’e hanesan hasoru ema konservativa de’it.

“Ita hakarak hatete katak buat haat ne’ebé maka lori mai aprezenta ba PN ne’e importante ba prosesu dezemvolvientu. Maibé,  kuaze bankada hotu-hotu  susar atu muda, bainhira partidu ida la manán abslolutu. Ha’u  hanoin meius ida ne’e atu karii rai rahun ba povu”, Miguel hateten ho lia fuan kroat.

Esplika Miguel, kuandu asentu iha parlamentár maka bele muda buat ne’e fasil tebes. Maibé sira hakarak  meius ida, hodi uza ba matéria kampaña. Nune’e AMN  sei akompaña deputadu sira nia  konsiderasaun ba asuntu 4 ne’e.

Hatan ba PN nia razaun hodi fó sala ba governu tanba alokasaun OJE la tau prioridade ba setor estratejiku, katak Minguel, loos duni programa OJE Governu maka deside. Maibé atu liu ka la liu ne’e desizaun iha uma fukun PN. Signifika, ida ne’ebé maka la fó prioridade ba povu tenke hasai.

Tuir Miguel, ne’e hanesan PN ho Governu fó sala ba malu. Orgaun Soberaniu rua ne’e hotu-hotu iha desizaun no papel  iha OJE kada tinan. “Imajina hanesan labarik ki’ik oan sira, ida gasta osan  arbiru de’it, ida seluk mós hakarak gasta osan arbiru,” tenik Miguel.

PN ne’e nia funsaun katak Minguel,  hodi kontrola  Governu. Liuliu kada ministeriu para labele gasta osan arbiru. Sei gasta husi fundu minerais tenke ba setor estratejiku. Setor ida ne’ebé maka iha benefisiu direita ba povu no bem estar komún povu  nian.

Loos duni hatutan Miguel, la’ós PN maka  la ezekuta programa.Maibé PN  maka aseita ba OJE. Tanbasa maka laiha alterasaun  ruma.  Nune’e mós PN la aseita atu  sosa no leaun karreta.  Tanba sira nia rajaun agrumentu maka  halo Fiskalizasaun.

“Maibé Ita la konkorda  fó  karreta  ba membru Parlamentu Nasionál depois uza hanesan karreta privadu. Ita haree katak sasan  ne’e   hanorin jerasaun sira, mai iha parlamentu nasionál  la’ós atu servi povu. Maibé  mai para atu  asesu  ba kualker previleiju ne’ebé maka sira nia poder iha”, Minguel kestiona.

Husi deputadu na’in 65, Minguel hatete, iha  balu ne’ebé maka maka laiha kapasidade hodi reprezenta povu.  Tanba sira mai hodi  asesu previleiju ne’ebé maka  iha, hanesan salariu boot, sae karreta meoa no asesu direitu rega lia.

Parlamentu nasionál Minguel informa, la konkorda total,   ida ne’e maka halo tensau dialogu ass tiha, prezidente parlamentu  nasionál Aniceito Longuinhos Guterres dala ruma sei nervozu to’o agora  sei nervoju hela.

“Tanba ohin ami sai mai tenta atu kaer liman ho ita nia prezidente Parlamentu nasionál,  maibé nia lakohi, parabens  kualidade prezidente parlamentu nasisionál  psikolojikamenta fraku”,  dehan Minguel.

PN mós la konkorda, Minguel infroma, ho AMN nia prposta aleterasaun lei  numeru 1/2006 partikular   iha artigu 5 koalia kona-ba  resurasaun bandu mentru 100, maibé  Deputadu  koalia barak liu maka demokrasia. Tanba  haluhan tiha ezijensia husi demostrasaun ne’e  sateia orgaun estadu ida.

Tanba durante hala’o funsionamentu,  Minguel Preokupa,   PN   la halo nia funsaun ho di’ak  hodi haree ba povu nia  terus. AMN   haree ba povu sateia  sira hodi hapara  hola sasan previleiju.

“Manisfestasaun ne’e laós foin maka akontese agora  konfirma ba  ita nia lutqa juta rejistensia  bainhira tinan 1975 sae mai mundu haluha ona problema Timor nian. Nune’e ita nia manifestane sira hanesan Irmaun Mariano Asanami  no sira seluk tan halo demostrasaun iha ema nia rai  hodi haree problema povu nian”

Tanba ne’e AMN sei rejisti iha kampus  UNTL nia oin  durante fulan rua  kontinua halo manifestasaun bainhira karta avizu  previu remata.

Iha fatina hanesan   Deputadu Antoni Verdial  hatete,  manifestante sira hato’o buat haat, primeiru sira ko’alia kona-ba  la konkorda Dekretu lei  Númeru 5/2006,  ba demarkasaun fronteiriza  entre manifestante ho Parlamentu Nasionál.

“Ho nune’e maka Parlamentu Nasionál la kokorda atu revoga Lei ne’e  tanba ita moris iha nasaun ida ita moris iha estadu direto demokrátiku  maibé nafatin tenke kimpri Lei ne’ebé agora vogora iha ita nia Nasaun ne’ebé  Repúblika Demokrátika Timor-Leste” hatete  Deputadu Antonio Verdial  hodi esplika.

Sidadaun hothotu kumpri lei ezerse sira nia funsaun   iha estadu direitu demokrátiku, ne’e Laiha kordandansia entre ho reprezentante husi manifestante AMN kona-ba lei 100 metru husi instituisaun públiku,  ida ne’e laha konkordansia.

Manifestante sira husu  Parlamentu Nasionál atu tau matan  lei pensaun Vitalisiatanba ne’e tuir deputadu Verdial  katak  Lei pensaun Vitalisia ne’e la’os PN maka tur narrqan halo  de’it. Lei ne’e,  mai kedan iha lejislatura dahuluk nian.

“Ha’u husu ba manifestante sira  tatoli hela mensjen ba maluk sira ne’ebé hakarak  Iha manifestasaun no tenke komprende katak Repúblika Demokrátika Timor-Leste iha nia Orgaun Soberaniu ketak-ketak, dehan deputadu Verdial hodi esplika  tan.

Orgaun Soberaniu PN hanesan daruak iha estadu ida ne’e,  harii husi Governu, nune’e  Parlamentu Nasionál husu ba AMN hodi estuda tan Lei hirak ne’ebé maka sai baze.Fundamemtal ba  Governasaun hala’o operasaun servisu iha adminitrativa nian liga mós ba área judisiariu nian.

“Ho nune’e maka Parlamentu Nasionál la kokorda atu revoga Lei ne’e  tanba ita moris iha nasaun ida ita moris iha estadu direto demokrátiku  maibé nafatin tenke kimpri Lei ne’ebé agora vogora iha ita nia Nasaun ne’ebé  Repúblika Demokrátika Timor-Leste” dehan Deputadu Verdial.

Enkontuantu audensia ne’e partisipa hosi Bankada Kongresu Nasionál Rekonstrusaun Timorense (CNRT) Deputadu Durante Nunes, Vise Prezidente Bankada Frente Revlousionario  Timor-Leste  Independénsia (Fretilin) Deputadu  Antonino Bianco,  Prezidente Bankada Partidu Demokrátika Deputadu Antonino da Consceição alias Kalohan  ho  Vise Prezidente Bankada Kmanek Haburas Unidade Nasionál Timoroan (KHUNTO) Deputadu Antonino Verdial da Souza. (Asesu Youtube/Facebook https://www.facebook.com/Media1Timor Media ONE Timor)