(Reportajen Asistente Editor Marcelino Tomae)
Dili (Media ONE Timor) —Atu buka reseitas ba kofre estadu hodi ajuda ba Governu,
instituisaun jestaun ekipamentu institute públiku (IGE,IP sigla portuges), dadaun preparadu
ona atu atende ba situasaun emerjénsia ruma ne’ebé mósu iha tempu udan.
“Ho kondisoens udan ne’e, ami-nia ekipa preparadu, saida mak IGE prepara intermus de
rekursu umanu, ami-nia operadór sira, mekániku sira no mákina pezadus, ida-ne’e mak ami
preparadu atu atende kondisaun sira ne’ebé emerjénsia aumezmu tempu buka reseitas ba kofre
estadu.”
Deklarasaun ne’e hato’o husi Prezidente Institutu Jestaun no Ekipamentu, Institutu Públiku
(IGE.ip), Hermenegilda da Costa Laurentina, hatete ba jornalista iha resintu Delta Nova,
Kinta (24/11/2022).
Hermenegilda da Costa haktuir, IGE nia papel importante ba servisu ne’e iha oin rua, primeiru
mak halo poupansa ba Orsamentu Estadu nian, no ida seluk buka reseita ba estadu. Tinan 2022
sura husi fulan janeiru to’o iha Outubru IGE hatama reseita milliaun 3.000.000, Tuir planu
remata tinan ida sei aumenta tan.
Hermenegilda da Costa informa, VIII governu poupansa orsamentu maka ne’ebé maka IGE
halo kuaze millliaun 20 USD resin, ba reseitas husi makinas pezadu fó ba kompañia privadu sira total milliaun rua resin. Pedidu balun seidauk finaliza, tanba IGE nia kondisaun mákina pezadu limitadu. Maibé ba tinan oin, sei iha tán planu rasik atu atinje normalizasaun ba situasaun sira, liliu nafatin apoiu ba pedidu hirak ne’ebé iha ona.
Maibé, katak, Hermenegilda , mekanizmu atu buka reseita ba kofre estadu mak liuhusi fo
aluga mákina pezadus ba kompaña privadu sira no IGE mós iha fatin ida produs britas ne’ebé
iha Natarbora, hodi fa’an ba kompaña sira ne’ebé presiza britas bainhira kaer projetu, entaun
kompaña sira bele ba sosa de’it iha IGE.
“Kompaña sira ne’ebé mai atu aluga iha tempu udan, ida-ne’e ami tau ba iha segundu kestoens,
eh tempu udan ita haree liubá komunidade sira-nia presiza, liliu nesesidade no kondisoens sira
ne’ebé afetadu, ami tenke ba fo apoiu lai ba komunidade sira, depois aluga ne’e ami sei
pendente, enkuantu udan para ona ami sei kontinua fali ba iha aluga”, hatete Hermenegilda da
Costa hodi haktuir tan.
Ko’alia kona-bá situasaun udan ne’e sai hanesan protidaun IGE atu prepara ekipa servisu
hamutuk ho komunidade sira destaka iha munisípiu sira inklui mós Dili. Maibé, kona-ba
servisu ne’ebé IGE hala’o ne’e la’os iha tempu udan de’it, maibé atividade diária hala’o kada
lorloron iha terenu, tanba ekipamentu pezadus ne’ebé IGE iha hamutuk 70 resin, ne’ebé dadaun
destaka hotu ona iha teritóriu laran tomak.
“Ami nia mákina foun ne’ebé governu Timor-Leste hola iha tinan ida ne’e, dadaun hala’o ona
normalizasaun ba mota no mós normaliza tore sira ne’ebé fo ameasadu ba komunidade sira iha
teritóriu laran tomak”, dehan Hermenegilda.
Ekipa intervensaun Hermenegilda informa, dadaun destaka hela iha munisípiu Baukau,
Vikeke, Lautém inklui área Natarbora, Mota Laklo, Kamea-Darnia no destaka mós ba
preparasaun loron komemorasaun 28 fulan-novembru iha Manatutu.
Aleinde ne’e, ekipa ida mós iha hela Lolotoe, Bobonaro, no mós balun kobre hela
akontesimentu situsaun inundasaun foin dadaun iha Kailaku, iha Atauro, hodi halo preparasaun
ba atividade festival inklu iha Metinaru.
Institutu Jestaun no Ekipamentu, Institutu Públiku (IGE.ip) konsege hala’o atendimentu ba pedidu loke estrada foun hamutuk 300 resin ne’ebé hato’o husi autoridade lokál sira iha teritóriu. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.