(Editora Suzana Cardoso)
Baukau (Media ONE Timor) – Tulun funsionariu sira nia kapasidade atu asesu no públika informasaun iha era dijitalizasaun maka Sentru Formasaun Téknika iha Komunikasaun Sosiál (Ceftec-sigla Portugues), realiza formasaun multimedia no media sosiál iha Adninistrasaun Munisipiu Baukau.
Tuir komunikadu imprensa ne’ebé redasaun Media ONE Timor simu hateten, formasaun multimedia no media sosiál ne’ebé hala’o iha Adninistrasaun Munisipiu Baukau ne’e realiza iha loron 22 Agostu 2022.
Diretór Rekursu Umanu Adninistrasaun Munisipiu Baukau, João Bosco Ximenes husu ba formandu nain 25 ne’e atu bele partisipa formasaun ho maximu durante semana ida nia laran.
“Hau atan rasik atu mai halo abertura ba formasaun loron dahuluk nian. Maibé formasaun ikus sei taka hosi Prezidente autoridade Munisipiu Baukau no Ministru Makoms. Hau husu ba fonsionariu sira atu parstisipa formasaun ho maximu to’o remata”, sujere João.
Katak João, dadaun ne’e formandu sira ne’ebé hamutuk funsionariu permanente nain 25 mak partisipa. Sujere ba Ceftec labele funsionariu permanente sira de’it mak tuir formasaun.
Maibé hatutan João, bele mós fó oportunidade ba funsionariu kontratu para bele tuir hotu formasaun ida ne’e. Tanba formasaun ne’e importante ba ema hotu-hotu atu aprende no hakbesik aan liutan ba téknolojia liu hosi multimedia no media sosiál.
Iha fatin hanesan Xefi Departamentu Kooperasaun Ceftec, Hermenegildo Xavier agradese ba Admnistrasaun Munispiu Baukau ne’ebé mak kolabora hamutuk ho Ceftec bele realiza formasaun ne’e.
“Em nome do Ceftec ami agradese ba Administrasaun Munisipiu Baukau ne’ebé ho kolaborasaun di’ak simu Ceftec bele realiza formasaun iha Administrasaun Munisipiu”, Hermenegildo dehan.
Esplika Hermenegildo, Ceftec iha unidade ualu. Maibé formasaun espesifiku liu ne’ebé mak realiza iha munisipiu foka liu ba multimedia no media sosiál ne’ebé mak sei realiza durante semana ida.
“Atu informa de’it katak formasaun nia tempu mak badak loos. Husu ba formandu sira atu utiliza tempu ne’e ho di’ak. Ceftec mós hetan akreditasaun husi INDMO. Nia kualifikasaun sertifikadu to’o nivel IV”, Hermenegildo dehan. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.