(Reportajen Marcelino Tomae/Editora Suzana Cardoso)
DILI (Media ONE Timor) — Tinan-tinan Parlamentu Nasionál (PN) sempre aprova osan ba Rejiaun Adminstrativa Espesiál Oe-Kusi Ambenu (RAEOA). Maibé, relatoriu laiha. Nune’e bankada opozisaun liu husi partidu Kongresu Nasionál Rekonstrusaun Timorense (CNRT-Sigla Portugues) husu atu halo esplikasaun.
“Rejiaun Administrativu Espesial Oe-Kussi Ambenu (RAEOA) nu’udar instrumentu intokavel. Parlamentu Nasionál liu husi komisaun ‘C’, tinan-tinan hakilar ho slogan hanesan. Maibé laiha relatoriu husi RAEOA.”
Preokupasaun ne’e hato’o husi membru PN hosi bankada opozisaun CNRT, Deputada Carmelita Caetano Moniz liu husi plenaria debate Orsamnetu Jerál Estadu (OJE) tinan 2023 ba jeneralidade, iha loron da ruak, iha uma fukun PN, Tersa, (08/11/2022).
Deputada Carmelita espera, ministru finansas bele halo esplikasaun kona-ba REAOA nia ezekusaun OJE durante ne’e oinsá ona. No Prezidente Autoridade RAEOA fó netik esplikasaun kona-ba investimentu sira iha rai liur.
Informa Deputada Carmelita , Prezidente RAEOA Arcenio Paixão Bano la esplika klaru kona-ba relatoriu osan sira ne’e rai iha ne’ebé. Jurus husi fundu ekonomia dezenvolvimentu Governu tau osan Juta 36 USD resin ne’e iha ne’ebé ona. Husu ministériu finansas sira hatete laiha relatoriu.
Deputada Carmelita informa tan, RAEOA investe ona ba atlanticealge shipunding, sosa hamutuk millaun 14 USD resin. Maibé to’o agora laiha relatoriu husi RAEOA, hodi haree nia vantajen ba Timor-Leste (TL). Tinan barak ona ró haksolok seidauk mai haksolok iha TL
“Hanesan ema dehan katak divida sira ita sosa tiha saham atlanticealge shipunding ida ne’ebé maka bankarota. Depois se maka atu selu ida ne’e, mós laiha explikasaun husi RAEOA. Ida ne’e Parlamentu no Governu labele halo buat ida,” dehan deputada Carmelita hodi hatutan.
Dau-daun ne’e, atu investe nafatin iha atividade ida. Tuir relatoriu komisaun ‘C’ hatete katak atu investe tan millaun 2,7 USD. Maibé laiha esplikasaun ida atu investe iha area ida ne’ebé no retornu saida nia investimemtu modelu oinsá ne’e la iha.
Aliende ne’e Deputada Carmelita moos preokupa ho relatoriu husi kamara kontas. To’o agora Ministériu Públiku ho CAC la halo buat ida. Hotu-hotu hatente katak RAEOA ne’e hanesan instrumentu intokavel ida. Maibé relatoriu laiha.
Nune’e tuir Deputada Carmelita nia agrumentu, ne’e la respeitu lei. Tanba laiha ema ida atu halo esplikasaun ba RAEOA nia ezekusaun.
“Camara de contas tuir lolos hato’o sira nia relatoriu kona-ba iregularidade finanseira ne’ebé hamosu responsavel finanseira PN aprova haruka ba ministériu públiku hodi halo investigasaun profunda ba iregularidade funanseira ne’e. Maibé Minnistériu Públiku ho CAC la halo buat ida ba iha RAEOA”, dehan Deputada Carmelita. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.