(Reportajen Jornalista Mariquita no Teotonia Neto)
Dili (www. mediaonetimor.co) – Hamutuk uma 25 maka identifika hetan estragus hosi dezastre naturais ne’ebé akontese iha semana ikus fulan Agostu tinan 2023, ne’ebé hosi parte protesaun sivil identifika.
“Durante akontese dezastre naturais ne’e, protesaun sivil no autoridade munisipiu sira halo kedas intervensaun hodi fó apoiou emerjensia ba família sira ne’ebé afetada hosi dezastre naturais ne’e.”
Lia fuan hirak e’e haklaken hosi Diretór Gabinete relasaun external no komunikasaun, Anacleto Gaetano ba Jornalista, liu hosi konferensia imprensa iha salaun Autoridade Protesaun Sivil (APC sigla Portugues) Caicoli, Dili, Segunda, ( 4/09/2023).
Nia esplika liutan, dezastre naturais ne’e akontese durante semana ida nia laran. Hahú hosi loron 28 Agustu to’o loron 4 Setembru 2023. Dezastre naturais ne’e, haterus komunidade hirak ne’ebé hela iha munisipiu Ualu. Hanesan; Baucau, Bobonaro, Liquisa, Manufahi, Viqueque, Dili no RAEOA.
Dezastre durante loron lima ne’e katak Anacleto, APC rejista munisipiu Ualu maka hetan dezastre naturais durante loron lima ne’e. Munisipiu Baucau akontese iha Postu Laga ho suku Samalari iha Aldeia Saeuataisi, akontese anin sobu komunidade nia uma rua.
Sei nafatin hosi Postu Laga iha Suku Soba Aldeia Putufalu, akontese ahi han komunidade nia uma ida,. Suku tekinomata, Aldeia Caicasalari akontese anin sobu komunidade nia uma ida. Desastre hanesan akontese iha Postu veniale, suku uma Anaikun, aldeia watunao akontese anin sobu komunidade nia uma ida.
Postu Baucau ne’e rasik iha suku Gariwai aldeia Bamori akontese anin sobu komunidade nia uma ida. Postu Quelicai, suku Guruka, aldeia lakukela, akontese anin boot estraga komunidade nia uma ida. Suku abafala, aldeia asa-loqui, akontese anin sobu komunidade nia uma ida.
Desastre naturais iha Munisipiu Bobonaro, Postu Balibo, suku kowa, aldeia railuli akontese ahi han komunidade nia uma ida. Postu Cailaco, suku Milego, aldeia Lia bote, akontese rai nakdoko no afeita ba komunidade nia uma ida hetan estragus.
Parte Munisipiu Liquisa, postu Bazartete, suku Maumeta, aldeia Nurtutu akontese ahi han sede suku Maumeta. Postu maubara Suku Gugleu aldeia lebulugor akontese ahi han komunidade nia uma ida.
Munisipiu Manufahi, postu fatuberliu, suku Bubususu aldeia Aituha, akontese rai halai hodi uma komunidade nian ida hetan estragus.
Munisipiu Viqueque, postu Watulari suku Afloikai, aldeia Waikai akontese ahi han komunidade nia uma ida. Suku afloikai, aldeia Osokaiwa akontese anin sobu komunidade nia uma ida. Suku Afloikai, aldeia Watuita, akontese rai halai no estraga komunidade nia uma ida.
Dezastre naturais moos mosu iha Kapitál Dili postu Don Aleixo, suku Comoro, aldeia Nove Outobru akontese ahi han komunidade nia uma rua.
Munisipiu RAEOA, sub Regiao netibi, suku bene ufe, aldeia manan, akontese ahi han komunidade nia uma rua. Sub regiao ponte makasar, suku costa, aldeia sanane, akontese ahi han komunidade nia ima ida. Suku Cunha, aldeia manabe, akontese ahi han komunudade nia uma ida, suku lifau, aldeia tulaika, akontese ahi han komunidade nia uma ida, suku naimeko, aldeia baqui, akontese anin sobu komunidade Nia Uma ida.
Katak Anacleto, maioria komunidade afeitadu sira lakon sira nia uma no sasan uma laran. Hafoin halo identifilasaun hamutuk 25 ho tipu oin-oin. Hanesan; anin boot, rai nakdoko, rai halai no ahi han Uma.
Enkuanton Kazu total husi dezastre naturais durante semana ida ne,e Total dadus hamutuk 25 Xefe da familia nebe afetada, anin sobu komunidade Nia Uma hamutuk sia (9), rai nakdoko Ida, rai halai hamutuk tolu (3), no ahi han komunidade uma hamutuk 12.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.