(Reportajen Guilhermino Ramos/ Editor Marcelino Tomae)
Dili (Média ONE Timor) – Atu eleitor sira labele hamosu duvida durante eleisaun Parlamentar Timor-Leste (TL) iha tinan 2023, maka tenke hala’o ho imparsiál no transparante. Nune’e, tenke kordena ho mídia sira iha tempu eleisaun hodi transforma informasaun ba públiku.
“Tenke kordena moos ho media sira. Tanba papel mídia importante iha tempu eleisaun hodi trasforma informasaun ba públiku ho kualidade no justu para populasaun bele oferese votu ho rasionál no responsabilidade.”
Asuntu ne’e hato’o husi Prezidente Comisaun Nasionál das Eleisoens (CNE sigla Portugues) José Agostinho da Costa Belo ba Jornalista iha salaun Sentru Média CNE, Kinta, (23/02/2023).
Prezidente José esplika liutan, liu hosi profesionalizmu jornalista nian hodi transforma informasaun ba eleitor, partidu polítiku no partisipante sira bele komprende di’ak hodi labele hamosu interpretasaun. Tanba hotu-hotu hakarak eleisaun trasparente, demokrátiku no imparsial.
Eleisaun parlamentar ne’ebé sei hala’o iha 21 Maiu 2023 ne’e Komisariu Jose husu entidade hot-hotu atu labele hamosu duvida ba povu. Iha parte CNE sei servisu servisu hamutuk ho Internasional Foundation For Electoral Sistema (IFES) realiza workshop ho tema komunikasaun estratejika hodi ko’alia kona-ba papel media.
éleisaun parlamentár 2023, tanba ne’e CNE servisu hamutuk ho Internasional Foundation For Electoral Sistema (IFES) realiza workshop ho tema komunikasaun estratejika hodi ko’alia kona-ba papel media.
José Belo informa, maske situasaun defisil maibé Timor-Leste (TL) hasoru ona eleisaun durante nia restaura independensia iha loron 20 fulan maio 2002 to ohin loron. Nune’e CNE iha ona esperiénsia ba serbisu ba Estadu TL, ligadu ba serbisu eleitoral.
Ho ida ne’e maka, katak José Belo,CNE iha hanoin, hakarak halo mudansa ba rai doben Timor-Leste, mudansa iha ita hanoin, mudansa iha lider polítiku sira, hodi dezenvolve Timor ba oin liu husi pesoal ida-idak ezerse nia votus iha tempu eleisaun.
Prezidente José Belo, teknikamente workshop ne’e hanesan formasaun ba funsionariu (CNE), ko’alia liu kona-ba programa liña kordenasaun hodi garantia komunikasaun efetivu iha tempu eleisaun, ho kualidade no efisiensia.
Nia informa iha biban ne’e formadores profisionais balun ne’ebé espesialista iha area eleitoral nian, sei distribui materia ba funsionario tekniku eleitoral sira ne’ebé mai husi munisípiu, hodi koñese no haklean kapasidade sira nian ho diak liu tan iha tinan polítika 2023 ne’e.
Dirigente orgaun eleitoral ne’e rekomenda ba lider polítiku sira, bainhira iha tempu kampaña atu hato planu dezenvolvimentu ba povu tenki ho paz ho estabilidade, atu bele movita elitores sira kontribui ba dezenvolve Timor iha futuru sai diak liu tan. Tanba ohin loron sidadaun iha territóriu nasionál senti orgulho ho demokrasia ne’ebé la’o mezmu Timor foin mak independensia maibé mundu rekoñese.
“Entaun ho objetivu ne’ebé ita hetan ita labele kria problema iha rai laran. Nasaun sira ne’ebé demokrátika eleisaun hala’o periodikamente entaun ita tenki adopta sistema demokrátika ne’e hodi implementa iha Timor-leste (TL)”, hatete, José Belo.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.