(Repotájen Jacinto Caet/Editora Suzana Cardoso)
DILI (Média ONE Timor) – Hafoin hetan investidura, ba dahuluk Prezidente Parlamentu Nasionál (PPN), Aniceto Loguinhos Guterres Lopes ba hasoru ho Prezidente Repúblika (PR), José Manuel Ramos Horta hodi aprezenta fiskalizasaun ba asaun governu nian.
“Parlamentu Nasional hanesan instituisaun estadu nian ho knaar mak halo lei, halo fiskalizasaun ba asaun governu nian. Ne’e maka iha enkontru ne’e relata no informa sasán sira ne’e ba xefe estadu para hatene no akompanha atu oinsá bele asegura instituisaun sira ne’e funsiona tuir nia dalan ka lei”, hateten PN Aniceto Loguinhos Guterres Lopes ba Jornalista sira hafoin remata enkontru ho PR José Manuel Ramos Horta iha Palasiu presidente Aitara-laran, Kinta (09/06/2022).
Tuir PPN Aniceto hateten, sorumotu ne’e nu’udar primeiru enkontru ho PR. No PR hanesan xefe estadu maka garante funsionamentu normal instituisaun demokratika. Tanba ne’e PN hanesan instituisaun demokratiku nune’e mai presta informasaun kona-ba funsionamentu PN nian iha Kinta Lejislatira.
Nia afirma, PN hanesan orgaun lezislatura sei remata quarta sesaun lejislatura iha 14 Jullu. No tama ba quinta sesaun lejislatura sei hahú husi 15 Setembru.
Aliende ne’e, liuhusi sorumutu ne’e informa mós ba PR kona-ba situasaun pandemia Covid-19 ne’ebé ikus ne’e iha mundu tomak kuaze tama ona ba endemia. Maka, husu PR atu iha konsesu ba desizaun koletiva estadu tomak nian ba medida sira ne’ebé presija halo.
Iha lei, haktuir PPN Aniceto estadu la dekreta ona estadu emerjensia. Maibé lei fó dalan ba governu atu aplika medida espesiais sira ba prevensaun COVUD-19 nian. Maske medida esensiais ne’e aprova ho lei maibé ba loron 120 de’it
Katak PPN Aniceto, medida espesiais ne’e sei remata iha loron 19 Jullu tinan ne’e. Molok to’o ba loron ne’e, orgaun estadu sira tenke ko’alia ona ba malu atu extende ka para ona ho ida ne’e.
Nia hatutan, funsionamentu normal ba quarta sesaun lejislatura sei remata iha loron 14 Jullu. Nune’e Deputadu sira sei iha resesu durante fulan rua. Maibé hanesan baibain karik PR husu atu trata asuntu urjente no atu trata lei ruma, urjentemente PPN bele konvoka plenaria extraordinariu.
“Durante resesu PN iha Komisaun permanente tenke iha no sei funsiona durante resesu. Konmisaun permanente bele aprova ka fó konsentementu ba PR karik xefe estadu atu halo viajen ruma mak plenaria lakonsege reniaun komisaun permanente bele halo konsentementu para PR halo viajen”, dehan PPN Aniceto Longuinhos Guturres.(Asesu Youtube/Facebook Media ONE Timor)
Ita nia komentariu konaba post ne'e.