Fó Apoiu U$47,208 Hodi Implementa Rekomendasaun CNC

(Reportajen Estajiada Media ONE Timor/Roberta Da Cruz)

Dili (www.mediaonetimor.co) –  Implementa rekomendasaun chega kona-ba estadu Timor-Leste (TL)  tenke tau matan ba ema hirak ne’ebe sei kontinua terus fiziku, mentál,  no mós difisiente sira iha sosiedade nia leet, maka Centro Nacional Chega (CNC), I.P,    asina nota entendementu (MoU-Inglesh) ho Asosiasaun Profissionais Psikolojia Timor-Leste (APPSTIL).

Serimonia asina MoU ne’e hala’o iha salaun Gabinete Apoiu Orgaun Centro Chega (GAO-CC), Kuarta, (28/02/2024), hodi apoiu orsamentu hamutuk U$18,000.00 ba APPSTIL nia programa durante tinan 2024 nia laran.

Hatete Diretor Ezekutivu CNC,  Hugo Maria Fernandes, APPSTL sei hala’o programa hirak ne’ebé atu promove implementasaun no rekomendasaun Comissão de Acolhimento, Verdade e Reconciliação de Timor Leste (CAVR).

“Prohrama hirak ne’e maka hanesan, halo institusionalizasaun memoria no promosaun direitus umanus liu husi; edukasaun, formasaun, no solidariedade ba sobreviventes no mós vulneravel sira iha sosiedade nia leet”, katak Hugo hodi kontinua.

Katak Hugo, APPSTL sei promove rekomendasoens komuns CAVR no CVA konaba konstrusaun sentru nasionál nia memoria, pesquiza no aprendizajen. No mós sei halo implementasaun ba rekomendasaun chega.

“Implemetasaun ba rekomendasaun chega nian kona-ba estadu Timor-Leste hodi tau matan ba ema hirak ne’ebé sei kontinua nafatin lori terus fiziku ka mentál  no difisiente sira hodi  forma tratamentu deshumanu, inklui hatun ema nia dignidade iha sosiedade nia let”, tenik Hugo.

Iha sorin seluk, CNC mós asina Nota Entendementu (MoU) hodi fó mós apoiu osan hamutuk U$29, 208.00 ba Asosiasaun Vitima Konflitu Polítika (AVKP) tinan 1974 to’o tinan 1999.  Objetivu prinsipál husi apoiu ne’e hodi fó apoiu fundu ba sobrevivente 1974-1999.

“Sentru Nasionál Chega (CNC) sai hanesan fatin ka Museum histroriku ba hotu-hotu.  Nune’e tenki tau prioridade ba fatin historiku sira hanesan ne’e”, katak Diretur CNC Hugo.(Asesu Youtube/Facebook https://www.facebook.com/Media1Timor Media ONE Timor)