Diretor Klínika Bairru Pité Husu PR Horta Nia Tulun

(Reportajen Estajiada Nuryanti Fatima-Marquita Freitas/ Editor Marcelino Tomae)

Dili (Media ONE Timor) — Tanba moras defesaun no movimentu ba tula pasiente ne’ebé sai difikuldade boot ba progresu servisu Klinika Bairo Pite maka husu tulun ba Presidente Repúblika (PR) José Ramos Horta nu’udar padreiru ba fundasaun klinika ne’e hodi fó solusaun.

“Moras infeksaun inspirasaun  TBC, iha tinan  iha 2022 ne’e ita detekta kazu hamutuk  525. Tinan  2023 ne’e  sura husi Fulan Janeiru mai to’o agora ita detekta kazu 120. Inklui  kazu HIV/AIDS ne’e rasik Ita iha as teb-tebes, Ita aprezenta ba Xefe estadu hodi bele fó suporta.”

Lia hirak ne’e hato’o husi Deretor ezekutivu Klínika Bairru Pité,  Inacio dos Santos ba Jornalista uainhira remata hasoru malu ho PR Ramos Horta iha Palasiu Prezidensiál Nicolau Lobato Aitarak Dili, Kuarta, (22/03/2023).

Aliende moras TBC ne’ebé as katak Inacio, dau-daun ne’e iha tratamentu ba ema ne’ebé moras HIV/AIDS iha klinika Bairru Pité  hamutuk nain 226  no ma-nutrissaun deteta nain  200 resin.

Katak Inacio, Xefe Estadu  promete  sei hamutuk ho doador sira husi nasaun balu para  ko’alia mós ho embaixada balu iha Timor-Leste (TL)  hodi bele suporta   klínika Bairru Pité  ba fasilidade.

Tuir Inacio, PR José Ramos nu’udar padreiru ba fundasun klínika Bairru Pité kompremetidu hodi fó solusaun ba progresu hirak ne’e.  Maske antes ne’e suporta ona programa ba inan isin rua sira ne’ebé ho ma-nutrisaun, inan fó susu  ba  labarik ho tinan Zerro  to’o tinan hitu.  Inacio mós informa, difikuldade seluk ne’ebé Klinika Bairo Pite hasoru mak transporte.  Tanba iha kareta  ambulansia  ida de’it atu bele halo movimentu ba tula pasiente sira ne’ebé liu-liu iha area rurais.

“Dfikuldade seluk maka Ita iha edifisiu Klínika Bairru Pité  limitadu tebes. Nu’udar padreiru Saúde nian, ho ida ne’e ita ko’alia ona ba nai Prezidente para oinsa atu buka solusaun”, informa Diretor Klinika Bairo Pite ne’e hadi hatutan.

Edifisiu  klínika Bairru Pité  rasik iha ona fundus apoiu husi  auditor Sosiál no hetan tan suporta husi Sosiedade Sosiál.  Informasaun hirak ne’e hotu  aprezenta tiha  ona ba   PR Ramos Horta. Posibilidade bele suporta  fasilodade ba konstrusaun. (Asesu Youtube/Facebook https://www.facebook.com/Media1Timor Media ONE Timor)