(Reportajen Editor Marcelino Tomae)
Dili (Media ONE Timor) — Polemika hasai deputadu 16 husi Bankada Kongresu Nasionál Rekonstrusaun Timorense (CNRT-Sigla Portugues), Prezidente Parlamentu Nasionál (PPN) Aniceto Longuinhos Guterres Lopes konsidera hatudu ezemplu di’ak ba lejislatru foun.
“Ha’u nia karta desizaun atu hasai deputadu na’in 16 husi CNRT ne’e, konsidera hatudu ezemplu di’ak ba deputadu sira ne’ebé maka sei mai. Tanba, deputadu nia kna’ar ne’e mai atu hala’o servisu hanesan deputadu tuir lei no rejimentu. Agora sira la atende plenaria dala lima tutuir malu, ida ne’e maka ha’u hahú prosesu.”
Hateten PPN Aniceto bá Jornalista iha resintu uma fukun PN Kinta, (23/03/2023) hodi hatutan, estadu kada fulan selu osan ba deputadu sira. Deputadu tenki servisu hodi atende plenaria. La mai dala lima tuituir malu, ho laiha justifikasaun. Ne’e tuir rejimentu bele lakon mandatu.
Hanesan públika ona iha www.mediaonetimor.co iha edisaun, Kuarta, (22/03/2023) katak karta ne’ebé PPN Aniceto fó sai ba deputadu na’in 16 husi bankada CNRT tanba abandona plenaria dala lima tuituir malu, tuir deputadu CNRT ne’e illegal tanba meja PN agora ne’e illegal. Nune’e deputadu bankada CNRT konsidera ne’e ‘Surat Cinta”.
Lee Notísia Relevante: Karta Meza PN hasai Deputada 16, CNRT Konsidera ‘Surat Cinta’
Maski husi Bankada CNRT konsidera prosesu ne’e la legál no meza mós ilegál, maibé PPN Aniceto konsidera ne’e problema deputadu CNRT sira nia direitu atu halo interpretasaun polítiku. Tanba laiha ona agrumentu seluk.
Maibé perde de mandato ne’e, Aniceto haktuir tan, seidauk iha desizaun. Sei iha prosesu inisia. Maibé tuir nian haree katak relasaun públiku liu fali desizaun.
Deputadu sira ne’ebé simu karta ne’e, informa Aniceito, sira iha direitu atu hato’o sira nia defeza iha audensia lider bankada sira, hodi halo justifikasaun ba preokupasaun hotu-hotu.
Agora relasaun públiku ne’e PPN Aniceto konsidera, maluk husi partidu CNRT maka defende ba malu. Maibé labele hanoin katak Prezidente Parlamentu Nasionál hasai ona desizaun.
“Maibé ita haree relasaun fó sala fali ha’u, maibé ida ne’e tanba sira laiha ona agrumentu seluk”
Prezidente la atua prosesu fora husi rejimentu, maibé iha estatutu Deputadu no rejimentu mós ko’alia kona-ba perde de mandatu iha ka lae ne’e dehan presidensiál, prosesu hotu-hotu la’o tuir baze legal ne’e la’ós presidensiál.
“Karik presidensiál tanba iha iha istória Parlamentu foin maka hahú prosesu ida hanesan ne’e, sei sei nia kazu lakon duni mandatu ida ne’e hanesan horsehik ha’u dehan primeira ves istória Parlamentu Nasionál iha istória hanesan ne’e”, deklara PPN Aniceto.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.