(Reportajen Jacinto Caet/Editora Suzana Cardoso)
DILI (Média ONE Timor) – Futebolista Legendariu Lari Chirstian Carambeu ne’ebe mak akompaña Trofeu Kopa Mundial mai Timor-Leste, durante oras neen, hala’o demostrasaun jogu futebol ho jogador husi Centru Futebol Juvenil hamutuk na’in-20, kompostu husi feto na’in 10 no mane na’in-10.
Tuir observasaun Média ONE Timor iha terenu nota katak, bainhira Trofeu Kopa Mundial antes to’o iha Estadiu Munisipal Dili, iha adeptus Futebol TL barak mak iha ona Estadiu Munisipal Dili hodi hein prezensa Trofeu Kopa Munidial.
Entertantu Trofeu Kopa Munidial tama to’o Estadiu Munisipal Dili, akompaña kedas husi Prezidente Republika Timor Leste, Jose Manuel Ramos Horta, Sekretariu Estadu Juventude no Desportu, Abrão N. Saldanha, Prezidente Federasaun Futebol Timor-Leste, Francisco Jerónimo no ekipa husi FIFA no mos futebolista Legendariu Cristian Lari Karambeu, hodi halo kedas demostrasaun Trofeu Kopa Munidial hodi hatudu direita ba adeptus bola mania sira, iha Estadiu Munisipal Dili, Sabadau (11/06/2022).
Hafoin demostrasaun Trofeu Kopa Munidial ba adeptus futebol sira, kontinua kedas ho jogador Legendariu Cristian Carambeu halo demostrasaun jogu futebol hamutuk ho jogador husi Centru Futebol Juvenil Timor Leste (TL) hamutuk nai’n 20,ne’ebé mak kompostu husi feto na’in 10 no mane na’in 10.(Asesu You Tube/Facebook Media ONE Timor)
Ita nia komentariu konaba post ne'e.