(Reportajen Livia Sarmento/Asistente Editor Marcelino Tomae)
DILI (Media ONE Timor) – Governasaun Timor-Leste dahuluk to’o VIII Governu Konstituisionál deve operador Telekomunikasaun Timor Telecom (TT) hamutuk Juta 10. Balun selu ona. Nune’e to’’o agora falta Juta lima USD.
“Divida husi TT ne’ebé governu seidauk selu to’o ohin loron hamutuk milhão lima UDS. Hahú kedas husi Primeiru Governu mai to’o ohin loron. La’ós VIII Governu de’it. Maibé, husi kedas Primeiru Governu. Selu uitoan-uitoan. Hein katak laran luak husi Primeiru Ministru nian bele rezolve ona.”
Kestaun ne’e kasu husi Diretór Jurídiku TT, Manuel Cárceres ba Prezidente Repúblika (PR) Jose Manuel Ramos Horta bainhira ba halo vizita iha empreza TT Kaikoki Dili, Kuarta, (13/07/2022).
Iha PR Horta nia vizita ne’e, hakfodak no admiradu ho Governu nia divida juta lima dollar Amerikanu ne’e. Impresaun teknolojia di’ak tebtebes. Ema ne’ebé iha TT 100% Timor-oan mak servisu; jestaun, tékniku, enjenaria. Buat hotu-hotu Timoroan.
Durante katak PR Horta, TT investe liu milhão 200 USD ne’ebé investe iha Timor. No osan husi TT nian lasai ba fatin ruma. Hela iha TL. Estadu TL hanesan sosiu hola parte kompañia ho 20% resin. Ne’e duni Estadu devia haree defende nia interese no viabiliza TT hanesan nia kompañia rasik.
“Loloos Governu labele hanesan devedór ne’ebé la selu dívida ho TT. Ida ne’e la’ós falla VIII Governu konstitusionál nian. Maibé hahú kedas husi Primeiru Governu mai to’o ohin loron”, katak Horta hodi hatutan.
Totál dívida Estadu nian milhão lima USD. Espera Primeiru Ministru Taur Matan Ruak laran luak no ema di’ak la gosta halo dívida, entaun nia rasik mak hanesan Xefe Governu ida ne’ebé di’ak sei rezolve dívida hothotu.
PR Horta hatutan, Estadu tenke sai devedoor onradu tanba la’ós de’it problema ho TT. Maibé iha problema oi-oin ida mak sesta bázika tanba sira ne’ebé sesta bázika ne’e sira fa’an sasán entrega ba konsumidór Governu dezigna depois la selu sesta bázika.
“Klaru katak la’ós governu lakohi selu maibé burokrasia mak neineik tebe-tebes no halo timoroan lubuk ida la hetan pagamentu hodi difikulta empreza sira nia moris,” PR Horta afirma tan.
Limitasaun balun ne’ebé TT labele rezolve ne’e tanba Timor-Leste seidauk iha kabu submarinu modernu no buat hotu-hotu liu husi satélite no liu husi kontratu fali ho Telekomcel no bainhira Telekomcel falla impaktu mós bá TT.
“Iha tinan rua tan bele iha ona kabu submarinu ne’ebé mai husi Darwin, Alor, no mós fiber optika mai husi Atambua no ita nia Telekomunikasaun sei sai hanesan sékulu 21 mais buat seluk estadu tenke sukat didi’ak dívida eEtadu nian ho TT tanba estadu rasik tinan lubuk ida nia laran la selu dívida ne’ebé TT iha, ministériu lubuk ida halo komunikasaun oin-oin depois haluhan tiha atu selu dívida ne’ebé iha,” Katak PR Horta.
Maibé, tuir Diretór Jurídiku TT, Manuel Carceres hateten, impresaun primeiru Xefe Estadu nian mak ne’e empreza TT tinan sanulu liu ba Xefe Estadu mai malae barak, ohin Xefe Estadu mai, malae nia lalatak mós laiha pursentu 100 timoroan ne’e signifika katak timoroan prontu ona atu tama ba merkadu telekomunikasaun ezemplu ida mak hanesan TT.
“Divida husi TT, ne’ebé governu seidauk selu to’o ohin loron hamutuk millaun 5 UDS hahú kedas husi Primeiru Governu mai to’o ohin loron, la’ós VIII Governu de’it husi kedas Primeiru Governu mai, selu uitoan-uitoan hein katak laran luak husi Primeiru Ministru nian bele rezolve ona” Diretor juridiku TT Afirma.
Diretor juridiku TT haktuir tan,uluk divida ne’ebé Governu iha ho TT besik millaun 10 USD agora selu ona millaun 5 USD iha tempu Primeiru Ministru Líder karismatiku Kay Rala Xanana Gusmão ho Ru dei Araujo nian selu barak. Husi TT mós halo ona karta ba Primeiru-Ministru haree ajuda uitoan
Diretor Juridiku hatete, ho vizita Xefe Estadu ne’e parte TT mós aprezenta realidade ne’ebé mak iha liga ho liña internet no rekoñese katak iha duni lamentasaun, membru Governu balun mós ko’alia dehan rede internet iha TL ne’e la’o lentu. Maibé sira haluha tiha eletrisidade mós lakan piska-piska. Internet bainhira funsiona eletrisidade tenke estavel, labele fó sala bá malu.
Diretor Maunel haktuir iha Díli TT iha fibra optika kuaze 70 kilómetru hale’u sidade Díli, iha Timor laran tomak TT iha 600,000 kilómetru, liu husi fiu eletrisidade, la’ós fiu eletrisidade de’it, iha leten ne’ebá TT aluga tiha fiu rua ka tolu iha ne’ebá hein atu halo ligasaun de’it.
Bainhira kabu submarinu ka fibra optika tama iha Timor-Leste, semana ida de’it, TT nian rezolvidu. Tanba durante ne’e TT aluga hela de’it fiu eletrisidade nian hodi hein kabu submarinu.
“Kona-ba bolsu estudu ne’ebé oferese husi TT bá Timoroan sira to’o ohin loron nia kontinuasaun laiha tanba TT hasoru mós difikuldade ruma ne’ebé halo sustentabilidade TT nian bá iha programa bolsa estudu bá timoroan sira laiha.Bolsa estudu husi TT ba timoroan sira ne’e iha ha’u nia tempu no uainhira bá tia ministru ha’u fila fali mai buat ne’e lakon tiha de’it,” Manuel Cárceres haktuir.
Diretor Manuel aprezenta dadus, totál traballadór ne’ebé kompañia TT iha bá oras ne’e daudauk iha traballadór permanente iha 397; 77% mane no feto okupa 23%, no 30% ne’e mesak lisensiatura husi universidade no barak liu informatika. Totál torre iha Timor hamutuk 400 no tore ida 4G hamutuk 200 resin. Kliente Timor Telecom ne’e 700.000.000 sira ne’ebé ativu loron-loron uza hela Sim Card hamutuk 43.000. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.