(Reportájen Asistente Editor Marcelino Tomae)
DILI (Media ONE Timor) – Atu halakon krime droga iha Timor-Leste reprezentante povu iha uma fukun Parlamentu Nasionál (PN) husu Governu hadia setór justisa para kumpri sira nia knaar ho lolos. Justisa tenke servisu ho imparsial ba rai ida ne’e.
“Ita ezije. Tanba ne’e dezafiu ba setór justisa. Oinsá sira bele konklui didiak sira nia knar nu’udar konstituisaun no kumpri lei hotu-hotu. Juridiku sira nia knaar atu tau matan ba iha ita nia rai. Tanba tranzisaun ba droga, ne’e ameasa bo’ot. Neineik-neineik sei afeita ba joven barak.”
Preokupasaun ne’e hato’o husi Vise Bankada Kongresu Nasionál Rekonstrusaun Timorense (CNRT) Deputadu Patrocinio Fernandes ba Jornalista iha resintu Parlamentu Nasionál (PN), Segunda, (15/08/2022).
Hanesan públika ona iha media katak iha loron 11 to’o 12 fulan Agostu tinan, Servisu Nasionál Intelijénsia (SNI), Ekipa intelijénsia J2 FALINTIL-Forsa Defeza Timor Leste (F-FDTL), ho Polísia Sientífika Investigasaun Kriminál (PCIC) ne’e deskobre suspeitu hamutuk na’in 9.
Nune’e Deputadu Patrocinio hatete, prosesu justisa ba hotu-hotu tenke esforsu atu hadia servisu setór justisa para halo atendimentu ba servisu ho imparsial. Lei mak atribui sira nia kompetensia. Prosesu halo tenderizasaun ba droga ne’e tenke halakon iha TL.
“Ita hotu hatene katak ita nia sistema instaladu tiha ona. Estadu mós hatene atu halo nia servisu. Tanba situasaun hanesan ne’e dala ruma ita hakfodak ne’e Timor. Ita akomopaña nafatin la’ós iha ita nia rain de’it ita akompñia akontese situasaun sira hanesan ne’e tranzisaun Droga sira”, imforma Patrocinio hodi haktuir tan.
Sistema TL hatuur ba instituisaun justisa para hala’o sira nia servisu, Edtadu mak reforsa liu husi aspetu hotu-hotu para bele apoiu servisu hodi bele la’o ho di’ak. No tenke kria edukasaun ba ema hotu-hotu la’os ba joven sira de’it, tanba nasaun ema hotu nian atu pertense assume responsabilidade hodi evita tranzisaun Droga iha Timor-Leste.
Deputadu ne’e dehan, Estadu iha responsabilidade atu buka meius kria kondisaun para bele iha kampu traballu ba ema hotu-hotu hodi servisu, nune’e la bele preokupa ho situasaun sira ne’e tanba dala ruma vida mak ezije sira. Maibé trazisaun ba Droga ne’e la bele sai razaun ba sidadaun ida ne’ebé mak involve krime sira hanesan ne’e. Bainhira involve iha situasaun sira hanesan ne’e laiha ema ida atu buka razaun katak tanba laiha kampu traballu.
Deputadu Patrocinio Fernandes afirma, Timor-Leste adopta krime boot ba tranzisaun Droga. Tanba ne’e buka tuir ema sira ne’e. Tanba iha lei nia oin laiha Líder ka Prezidente mak boot liu, lei ne’e prevalese ba ema hotu-hotu iha territóriu laran tomak.
“Ita nia rain adopta krime ida ne’ebé boot liu, inkluindu halo tranzisaun ba troga iha lei nia oin laiha líder tanba lei ba ema hotu-hotu no prevalese ba povu tomak. Se de’it mak komete krime tenke prontu sai responsabilidade ba nia an rasik” hatete Deputadu Patrocinio.
Enkuantu Iha Deputadu nia parte ladún rona informasaun kona-ba faan Droga sira ne’e. Maibé ida ne’e hanesan krime ida ne’ebé konsidera boot iha rai Timor-Leste ida ne’e.
“Ita agradese tanba PCIC halo ona kapturasaun, ita hein katak prosesu sira ne’e sei to’o ninia rezultadu no ninia konkluzaun prosesu sira ne’e bele iha tranferensia ba ema hotu-hotu bele akompaña tanba ne’e hanesan krime kontra Estadu estadu mak sei hola asaun ba prosesu ne’e”, hatete Deputadu Patrocinio hodi hatutan.
Kuandu hetan duni ema sira ne’ebé mak halo krime Droga tenke fó sansaun tuir lei haruka. Tanba situasaun ne’e sai preokupasaun boot ba públiku.(Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.