Dili (www.mediaonetimor.co) – Hametin relasaun diplomátika maka Palásiu Prezidensiál Timor-Leste (TL) nian sei sai uma-na’in ba resepsaun diplomátika anuál 2025 hodi halibur Embaixadór rezidente no naun-rezidente sira ne’ebé akreditadu ba Timor-Leste.
Tuir média alerta ne’ebé Media ONE Timor asesu hatete, resepsaun diplomatika anual tinan ne’e ho tema, “Hari’i Ponte, Haburas Parseria”. Hahú hosi loron 19 to’o 21 Fevereiru 2025 Embaxador sira sei hala’o atividade oin-oin, tuir destakasaun programa ne’ebé Protokolu Palásiu Prezidensiál TL nian fó sai, mak hanesan tuir mai ne’e:
19 Fevereiru 2025
- Serimónia Kredensiál (Salaun Xina)
Embaixador na’in 13 sei entrega sira-nia Karta Kredénsia ba Prezidente no Laureadu Nobel ba Pás, J. Ramos-Horta, iha Palásiu Prezidensiál Nicolau Lobato.
- Resepsaun Diplomatika Annual Ofisiál 2025 (Palásiu Prezidensiál Nicolau Lobato) Halibur hamutuk Embaixador rezidente no naun-rezidente mai Timor-Leste
- Mensajen boas-vindas hosi Prezidente José Ramos-Horta
- Mensajen husi Dekanu Korpu Diplomatiku
- Espozisaun Kulturál ne’ebé hatudu:
- Espozisaun Tais: Patrimóniu Kulturál Imateriál Timor-Leste nian (Hatudu Obra Sira ne’ebé TimorAid Halibur)
- Espozisaun Pintura: Timor-Leste liuhusi Matan Diplomata Sira (Hatudu Obra hosi Nemu Abe Chik)
20 Fevereiru 2025
- Informasaun husi Governu Konstitusionál da-9 kona-ba Planu Dezenvolvimentu 2025
- Aprezentasaun kona-ba Projetu Dezenvolvimentu Infraestrutura Prinsipál sira no Investimentu Setór Privadu Lokál
- Vizita ba Galeria Memória Viva
21 Fevereiru 2025
- Viajen loron nian ba Lauhata Resort
- Vizita ba Portu Tibar
Mídia alerta ne’e hatutan, resepsaun diplomátika anuál 2025 ne’e hatudu TL nia kompromisu atu hametin relasaun diplomátika, enkoraja diálogu nakloke, no kria oportunidade ba kooperasaun futuru ho komunidade internasionál. (Asesu Youtube–https://www.youtube.com/@Media1Timor/Facebook- https://www.facebook.com/Media1Timor/Iha moos Kursu Jornalizmu no Lian Inglesh)
Ita nia komentariu konaba post ne'e.