(Reportajen Marcelino Tomae/Editora Suzana Cardoso)
DILI (Media ONE Timor) — Joven atus ba atus hakarak sai ba servisu iha rai li’ur maka reprezenta povu iha uma fukun Parlamentu Nasionál husu governu atu labele lakon responsabilidade hodi kontrola sira ne’ebé hasoru situasun defisil iha rai laran.
Kestaun ne’e hato’o husi Prezidente bankada Partidu Demokratiku (PD) Mariano Asanami Sabino Lopes no Xefe bankada Kmanek haburas unidade nasionál Timoroan (KHUNTO), Deputada Olinda Guterres iha sesaun plenaria PN Segunda, (20/06/2022).
Tuir Deputadu Mariano Asanami Sabino Lopez hatete, maske traballadór balun ba liur lori organizasaun oioin mak haruka sira, maibé estadu labele lakon reponsabilidade hodi tau matan nafatin ba joven sira.
“Ha’u husu estadu lalika lakon nia responsabilidade para kontrola situasaun ne’ebé mak ita nia joven sira hasoru. Tanba durante ne’e SEFOPE mak organiza ida ne’e”, Deputadu Asanami.
Asanami hatutan, iha situasaun difisil ba joven sira servisu iha rai laran. Nune’e governu tenke esplora situasaun ne’e. Tenke tau antensaun ba joven sira. Bainhira joven sira sai hotu rai liur ona, akontesimentu ruma iha ema nia rai estadu mak sei tau matan, embaixada sira mak sei tau matan hodi organiza.
Tanba ne’e mak bankada husi PD deputadu Asanami, husu governu para tau antensaun didi’ak ba joven sira, no husu mós partidu politiku sira bele esplora joven sira ho situasaun ne’ebé difisil, tanba trabalalldor ba rai Liur ne’e barak tebebes.
Asanmi informa tan, governu mak tenke esforsu para loke dalan liutan, sei bainhira presiza joven sira ba rai liur, maibé tenke, eduka no koli’alia nafatin ho joven sira, tanba balu eskoka sidauk remata, balu remata ona mós sidauk hetan servisu entaun sira hakarak atu ba servisu iha ema nia rai.
“Ha’u hanoin, ida ne’e mós imprtante ba lider hotu-hotu para atu tau matan, tanba kontinua nasaun ne’e iha ita nia joven sira nia liman. Sei joven sira laiha ona espearansa ne’e iha problema boot nasaun ne’e laiha esperansa ba oin. Tanba ne’e maka lider hotu-hotu tenke tau matan ba ida ne’e” Asanami dehan.
Iha fatin hanesan bankada KHUNTO deputadu Olinda Guterrres hatete, profesor barak iha lospalus agoara tau naran ona at ba rai luir.
Nia haktuir tan, ema sira ne’e dutoramentu maibé iha ne’e salariu kiik tebes, tanba ne’e profesor sira ne’e hakarak sai hotu ba rai liur, sei governu ida ne’e la iha seriedade ona ba joven ka povu nia moris di’ak liu husik sira ba rai liur.
“Sei sira ba hotu ba rai liur entaun profoser laiha ona atu hanorin ba ita nia oan sira laiha on no mós joven sira balu husik sira nia estudu tan de’it ba buka osan iha ema nia rai, balu draduasuan ona maibé laiha servisu, tanba ne’e ita nia governasuan ida ne’e mak tenke iha responsabilidade. ”(Asesu youtub/https://www.facebook.com/Media ONE Timor)
Ita nia komentariu konaba post ne'e.