Dili (www.mediaonetimor.co) – Hafoin liu hosi reuniaun extra ordinariu Konsellu Ministru (KM) ne’ebé hala’o iha loron 09 Agostu 2023, IX Governu Konstitusionál aprova ona orsamentu retifikativu tinan 2023 nian ho totál $1.771.867.112.
Tuir komunikadu imprensa ne’ebé Media ONE Timor asesu hateten, KM halo aprovasaun ba orsamentu ne’e hafoin halo deskusaun no aprovasaun ba projetu proposta lei ba alterasaun dahuluk Lei n. 15/2022, loron 21 fulan Dezembru.
Projetu proposta lei ba alterasaun dahuluk ne’e, kona-bá Orsamentu Jerál Estadu (OJE) bá tinan 2023 no Lei n. 2/2022, loron 10 fulan Fevereiru, kona-bá enkuadramentu bá Orsamentu Jerál Estadu no Jestaun Finanseira Públika no alterasaun daruak Lei n.8/2008, loron 30 fulan-juñu, Lei Tributária.
Sei nafatin hosi komunikadu ne’e hateten, administrasaun sentrál iha despeza ida ne’ebé prevee ho valór $1.633.000.000. Seguransa Sosiál, sein Fundu Rezerva Seguransa Sosiál, ho montante $130.965.306.
Maibé orsamentu ho montante $130.965.306 ne’e iha valór totál konsolidadu la kontabiliza montante $75.860.306 hosi Seguransa Sosiál ne’ebé mai hosi transferénsia administrasaun sentrál hodi evita ninia kontajen duplikada. Rejiaun Administrativa Espesiál Oecusse Ambeno (RAEOA) iha despeza ida ne’ebé prevee ho valór $1.771.867.112. (Asesu Youtube/Facebook https://www.facebook.com/Media1Timor Media ONE Timor
Ita nia komentariu konaba post ne'e.