(Reportajen Asistente Editor Marcelino Tomae/Editora Suzana Cardoso)
DILI (Media ONE Timor) — Hafoin liu hosi debate manas entre deputadu sira, orsamentu privativa Parlamentu Nasionál (PN) tinan 2023, ho montante hamutuk 17,975,704 USD konsege aprova liu husi votasaun afavor 45, kontra nain ida no abstensaun nain 11.
Antes atu halo votasaun Prezidente Parlamentu Nasionál (PPN), Aniceto Guterres Lopes liu hosi sesaun plenária, Segunda, (03/10/2022) hateten, plenária votasaun ne’e formaliza de’it. Tanba, antes aprovasaun sei iha esplikasaun husi Sekretariu Jerál PN, Adelina Afonso de Jesus kona-ba proposta orsamentu privativa PN nian ba tinan 2023.
Nune’e katak PPN Aniceto, resultadu votasaun orsamentu ne’e sei halo de’it aktu formalizasaun ba orsamentu ne’ebé konsellu administrasaun aprova ona. Tanba, prazu ba submisaun orsamentu privativa PN nian tenki intrega ona iha tempu previzaun ba rezenitas tinan 2023 ho montante 17,975,704 USD.
Enkuantu, projetu rezolusaun lei numeriu 10/V(5a) aprovadu ho rezultadu votasaun afavor 45 kontra ida no abstensaun nain 11. Maibé, despezas ne’ebé propoin iha Orsamentu Jerál Estadu (OJE) tinan 2023 maka hanesan; despeza rekorente hamutuk 31.847 USD no despeza kapital hamutuk 4.129 USD.
Despeza rekonrente aloka ba salariu vensimentu hamutuk 5.791 USD, Bens no servisu hamutuk 6.569 USD, tranferensia públika 1.487 USD, despeza kapitál 4.129 USD, Kapital Menor 3.879 USD no kapital dezenvolvimentu 250.000 USD.
Iha termu dispostu aliñia A lei numeru 1 artigu 13 lei numeru 12/2017 loron 24 Fulan Maiu, lei organizasaun no funsionamentu ba administrasasun parlamentar, kompete iha plenaria PN aprova orsamentu anuzeál intrega ho OJE.
Tinan fiskál 2023 marka hanesan tinan datoluk ba departamentais, institutu no entidades públiku hotu implementa bazeia ba programa.
Maske orsamentu bazeia ba programa ne’e introduz ona iha tinan 2017. Maibé seidauk abranje setor públiku sira hotu. Nune’e iha proposta tinan 2023, inklui planu asaun anuál reflete ba komprimisiu Governu atu halo reforma ba jestaun finansa públiku, liu husi introdusaun orsamentu bazeia ba programa entidade Governante sira hotu.
“Proposta orsamentu privativa PN kontein previzaun ida ho respeizas ne’ebé sei realiza iha ambitu orsamentu jeral estadu, entre loron 1 Fulan Janeiru tinan 2023 to’o 31 fulan Dezembru tinan 2023. No mós estimativas ba reseitas hodi finansia despesizas”, hatete PPN Aniceto. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.