(Reportazen Marcelino Tomae)
Dili (Media ONE Timor) —Violensia hasoru feto no labarik feto sira la’os asuntu ne’ebé normál. Nune’e Ministériu Saúde hamutuk ho United Nations Population Fund (UNFPA) lansa ona uma seguru hodi kombate.
Inagurasaun uma seguru iha sentru saúde iternamentu Postu Administrativu Gleno, Munisípu Ermera, hala’o husi Ministra Saúde Odete Maria Freitas Belo no UNFPA Regional Director For Asia and the Pacific, Björon Andresson ho Embaixador Uniaun Europeia March Fiedrich, iha sentru saúde Postu Administrativu Gleno Munísipiu Ermera, Tersa, (07/03/2023).
Ministra Saúde Odete Maria Freitas Belo iha ninia deskursu hatete, Ministériu Saúde hamutuk ho UNFPA hodi harii fatin seguru ida ba feto no labarik feto sira ne’ebé mak hasoru problema violensia bazeia ba jeneru.
“Bainhira ita ko’alia de’it ita la sente liafuan ne’e bele hakanek ema. No bele mosu baku malu iha dalan no iha fatin hotu-hotu. Tanba violensia sira ne’ebé mak mosu de’it husi liafuan, entaun ita la bele dehan katak la iha violensia ida katak aktu ne’ebé normal ita konsidera violensia aktu ne’ebé la normal ita tenke kombate”, Ministra Odete, haktuir.
Katak Ministra Oete, violensia ne’e la’os asuntu ida ne’ebé mak normál. Bainhira liman kona ema no ibun ofende ema ruma se nia sente la di’ak violensia sei mosu.
Fatin seguru ne’e hanesan fuan hakmatek. Laiha istoria malu la ko’alia at ba malu la baku malu Ida ne’e la presiza harii uma ne’e bainhira iha falmilia ida nia uma laran nakonu ho domin
“Ita tenke treina ita nia an atu sai ema ne’ebé mak kalma hatene ko’alia ho lian mamar atu nune’e bele di’ak hodi kombate ita nia violasaun Bazeia ba Jéneru”, esplika Minstra Odete.
Ministra Saúde Odete Maria Freitas Belo hatete, Prevalensia violensia kontra feto no labarik feto sira, tuir peskiza grafiku saúde Timor-Leste nian iha tinan 2016 3 % ba fato sira ho idade 15 to’o 49 sofre ona asaltu fizíku.
Ida ne’e katak Ministra Odete, kazu ne’ebé maka seriu presiza ita hotu nia atensaun no servisu makass, partiularmente setór saúde, ninian intervensaun entrmus de intervensaun resposta ba kazu violensia bazeia ba jenéru.
“Hanesan ita hotu hatene katak violensia bazeia jenéru sai ona asuntu problema saúde públika, tanba kontinua violasaun komun ba direitu humanus iha nasun joven Timor-Leste”, informa Ministra Odete.
Iha fatin hanesan UNFPA Regional Diretor For Asia and the Pacific, Björon Andresson hatete, Lori UNFPA nia naran atu sai sasin ba lansamentu fatin seguru ba Sobrevinte husi Violensia Bazeia Ba Jéneru iha sentru Saúde no Komunidade Ermera.
“Ha’u sente kontente tebes hodi hola parte iha lansamentu fatin seguru ne’ebé mak suporta husi seitor saúde, abilidade atu prevene no responde VJB tanba maneira atu prosionaliza mak Governu sira mak sai nain depois ami apoiu Treinamentu atu fornese servisu ne’e ho diak tantu pesoal saúde sira ne’ebé UNFPA” hatete Björon Andresson hodi hatutan.
Ajensia UNFPA apoiu Governu liu husi aspetu tekniku no aspetu sira seluk hodi halo inspensaun ba fatin seguru. Tanba hanesan servisu integradu ida presiza servisu hamutuk ho setór hotu-hotu, hanesan sosiál justisa inklui setór sira seluk.
“Inagurasaun ba fatin ida seguru ida ne’e atu demostra ita nia sususu halo pareira ho Governu Timor-Leste, suporta implementasaun planu asaun nasionál ba violensia bazeia ba jenéru; partikularmente komponente reforsa pozisaun servisu esiensial ba sobreviviensia”, Björon Andresson informa.
Björon Andresson haktuir uma siguru ne’e pasu importanten tebes atu estabelese fatin seguru ba servisu ensensial liu-liu ba feto sira ne’ebé maka hatan violensia bazeia ba jenéiru.
Iha oportuniade hanesan, embaixador Uniaun Europeia Marc Fiedrich, haktuir tan apoiu ba konstrusaun fatin seguru, ida ne’e Insiativa Global. La’os nasaun hotu-hotu hetan maibé Timor-Leste iha situasaun susar hasoru VJB.
Entaun iha problema ida ne’e katak Marc Fiedrich, Uniaun Europeia apoiu. Tanba ema hotu nia moris iha privadu la hatene saida mak mak akontese iha uma laran iha eskola. Nune’e apoiu fatin seguru ne’e importante tebes ba feto sira ne’ebé hetan problema violensia bazeia ba jeneru.
“Ita hamutuk iha ne’e hodi lansa fatin seguru foun. Ida ne’e fasilidade saúde iha Gleno. sei fornese apoiu nesesariu primeiru no servisu saúde esensial hodi asegura konfidensialidade no privasidade ba sobrevivente sira husi VJB. Tanba ne’e hanesan parte husi ami nia inisiativa Spotlight, orgullu hetan apoiu husi Uniaun Europeia iha kolaborasaun ho Nasoins Unidas”,
Programa ne’e apoiu finanseiru husi Uniaun Europeia no implementa liu husi UNFPA Timor-Leste servisu hamutuk Saúde Munisipal liu husi Ministeriu Saúde, Ministeriu Solidariedade Sosial no Inkluzaun no Sekretariu Estadu Igualdade no Inkluzaun.
Konstrusaun tipu projetu ba uma seguru ne’e ho medida, area total projetu 104,4 metru, inisia iha loron 17 fulan Dezembru tinan 2021, finaliza iha loron 18 fulan Maiu tinan 2022 ho total orsamentu rihun 31,107,50 USD.
Enkuantu partisipa iha lansamentu refere Autoridade lokál Postu Amintrativu Gleno ho entidades sira , mediku husi sentru saúde Gleno , estudantes, eskuadra PNTL Gleno, inlkui veteranus sira. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.