(Reportajen Estajiada Media ONE Timor, Iria da Cunha)
Dili (www.mediaonetimor.co) – Foku Governu Konstituisionál da IX ba despeza kapitál no investimentu insfraestrutura hodi fó presaun hamenus inflasaun no potensia fiskál ne’ebé estavel, sei kontribui ba kresimentu ekonomia iha Timor-Leste (TL) ne’ebé tuir predisaun sei sa’e iha tinan 2024 no tinan 2025.
Hatuir ekonomista banku mundiál iha Timor-Leste (TL), Alief Aulia Reza ba Jornalista iha serimonia lansamentu ‘Timor-Leste Economic Report’ ne’ebé hala’o iha salaun Banku Mundiál TL nian, Segunda, (26/02/2024) katak previzaun kresimentu ekonomia TL sei sa’e maibé inflasaun folin sasan nian sei tu’un.
“Previzaun ba kresimentu ekonomia iha Timor-Leste sei sa’e to’o 4,1% iha 2024 no 2025. Dadus ne’e akompaña husi presaun ba hamenus inflasaun no potensia fiskál ne’ebe estavel hodi kontribui ba kresimentu”, Alief esplika tuir Banku Mundiál nia relatoriu semi anuál kona-ba relatoriu ekonomia Timor-Leste nian.
Nia esplika, foku Governu nian ba despeza kapitál no investimentu infraestrutura hodi aumenta orsamentu Produtu Internu Bruto (PIB) husi 18.4% iha tinan 2023, sa’e ba PIB 24.5% iha tinan 2024. No posivel sei haforsa tan kresimentu ne’e iha tinan 2025.
Antes ne’e katak Alief, tanba atividade ekonomia ne’ebe nei-neik ligadu ho despeza públika durante tranzisaun politika fó impatu ba kresimentu previzaun ekonomia TL iha tinan 2023, tuun ba 2.3% husi kresimentu ekonomia iha tinan 2022 ne’ebé ninia totál 4%.
Tanba ne’e hatutan Alief, iha estimasaun katak inflasaun ba sasan folin ne’ebé sa’e sei fó influensia iha tinan 2024. Inflasaun sasan folin ne’e akontese tanba hetan influensia husi moderasaun iha presu komunidade globál no establizasaun kondisaun seguransa ai han global.
Maibé Alief nia esperansa katak, inflasaun ne’ebé menus entre parseiru komersiais TL bele hamenus inflasaun iha importasaun. Maske, iha benefisiu ba hamenus preasaun presu. Tanba, desizaun Governu da IX atu renova implementasaun medida ba reseita, hanesan taxa masin midar, bebidas midar, no tabaku bele halo fraku esforssu sira atu kompromete aumenta kolesaun rendimentu no kontrola konsumu sasán hirak ne’ebe fó impaktu ba saúde.
Hatutan Alief, kresimentu esportasaun bele de’it hasoru dezafiu. Tanba, dependensia ba kafé nu’udar produtu prinsipál ba esportasaun. Maibé kuran iha dezenvolvimentu setór alternativa hodi bele tahan netik no proteje hasoru ekonomia mundiál ne’ebe nakdoko.
“Asegura senariu ekonomia ida ne’ebe ekilibru no reziliente liu maka importante atu sustenta kresimentu ekonomia Timor-Leste. Perspektiva ida ne’e sujetu ba risku negativu balun. Fenomena meteorolojiku tempu bele de’it perturba disponibilidade foos ninia importasaun. Presu ai han no enerjia ne’ebe sei aumenta, bele ejiji ho resposta fiskál, flutuasaun ba dollar Amerikanu bele afeota reseitas komersiais no kustu ba vida lokál”, Alief hatete.
Aliende ne’e Alief dehan, ekonomia TL hatudu ona reziliente aihan ida ne’ebe di’ak. Iha tinan 2024 atensaun ne’ebe boot maka investimentu kapitál no orsamentu nasionál. Nune’e, bele fó benefisiu husi asesu ba WTO (World Trade Organization).
Dehan Alief, asesu ba WTO maka bele hatene diversifikasun ekonomia ne’ebe boot no medida sira atu mellora asesu ba finansiamentu setór privadu sai importante tebes. Konstrusaun setór finanseiru ne’ebe estavel inklusivu no reziliente,
Katak Alief, dezenvolvimentu setór finanseiru sai forsa prinsipál ba kresimentu ekonomia. No sei tulun familia sira poupa osan. Halo planu tulun empreza sira Moris hodi dezenvolve an. Dezemvolvimentu finanseiru mós reziliente hasoru ekonomia ne’ebe nakdoko.
“Tan ne’e setór finanseiru Timor-Leste oras ne’e dadauk hasoru dezafiu iha asesu limitadu ba kreditu. Serbisu finanseiru dijitál ne’ebe menus no vulneravel, hasoru problema estrena. Hanesan, dezastre naturais”, Alief afirma.
Alief dehan, relatoriu ne’e konklui nivel kreditu ba setór privadu iha TL nu’udar indikador atu alkansa no inklusiva setor finanseiru atinzi de’it 28.9% husi PDB ba GDP (Gross Domestic Product-Ingles) ne’ebé nia nivel ki’ik liu iha mundu.
Maibé hatutan Alief, atu haforsa setor finanseiru iha TL presiza hadia kuadru regulamentu hodi apoiu estabilidade finanseira. Promove literasia no inkluzasaun finanseiras. Liu-liu iha area rurais ho inisiativa adopta serbisu finanseiru dijitál, sai nu’udar pasu ida ne’ebe di’ak tebes.
“Dezenvolvimento infraestrutura hodi apoiu serbisu finanseiru, diversifikasun setor finanseiru hodi hamenus depedensia ba banku tradisional, importante. Parte seluk maka implementasaun medida ida hodi mitiga risku ne’ebe ligadu ho xoke esterna sei tulun hamosu setor finanseiru ne’ebe inklusivu liu, estavel no reziliente. Importante tebes ba kresimentu ekonomia no dezenvolvimentu sustentavel iha Timor-Leste”, Alief deklara.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.