Liurai Brunei Darrusalam Sei Vizita Timor-Leste

(Reportajen Jornalista Mariquita Freitas)

Dili ( www.mediaonetimor.co ) – Hametin bilateral nasaun rua nian, maka Primeiru Ministru Brunei Darussalam,  Sultan Haji Hassanal Bolkiah sei konvida liurai Brunei Darussalam para mai vizita Timor-Leste.

 “Ho kontente konvida direita Primeiru Ministru Xanana atu bainhira iha tempu, bele vizita ba Brunei Darrussalam. No Primeiru Ministru Xanana agradese ba konvite ne’e. Primeiru Ministru Xanana moos sei ko’alia ho Prezidente Repúblika José Ramos Horta.”  

 Hateten Primeiru Ministru (PM) no Xefe Reinu Brunei Darussalam, Sultão Haji Hassanal Bolkiah iha edifisiu plenary hall, Jakarta Convention Center (JCC), Jakarta, Tersa, (5/09/2023) hafoin remata enkontru armonia ho PM Timor-Leste Kay Rala Xanana Gusmão.

 Katak PM Sultão Haji Hassanal,  hafoin PM Xanana ko’alia ho PR Ramos Horta tuir planu Brunei Darussalam sei vizita Timor-Leste iha festa selebrasaun 20 Maiu 2024. Maibé, ne’e depende ba konvite hosi Timor-Leste.

 Enkontru ne’e realiza hafoin PM Kay Rala Xanan Gusmão  no PM Sultão Haji Hassanal ne’e mós  partisipa konferensia nivel altu ka Konferensi Tingkat Tinggi (KTT) ba dala-43 ASEAN nian iha edifisiu Plenary Hall, Jakarta Convention Center (JCC). 

 PM Xanana konsidera, Brunei Darussalam nu’udar membru Association of Southeast Asian Nation (ASEAN) ne’ebé iha kooperasaun di’ak mós ho Timor-Leste. Iha futuru nasaun rua ne’e  bele servisu hamutuk hodi fó apoiu ba Timor-Leste.

 Tuir PM Xanana Gusmão  realizasaun enkontru bilaterál ho Liurai no PM Brunei Darussalam, Hassanal Bolkiah hodi deskute kooperaun servisu nasaun ruane’e nia futuru. No Brunei Darussalam bele fó apoiu ba Timor-Leste iha setór; saúde, edukasaun, petroliu no minerais no moos área importante sira seluk. 

 Enkuantu durante enkontru, Xefe Governu Xanana akompaña hosi Vice-PM no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres, no Vice Ministra Negosiu Estranerus Asuntu ASEAN, Milena Rangel. (Asesu Youtube/Facebook https://www.facebook.com/Media1Timor Media ONE Timor)