(Reportajen Ekipa Estajiadu Media ONE Timor)
Dili (Media ONE Timor) – Hafoin remata kursu dalen Portugues ne’ebé hala’o ona iha Fulan Janeiru 2022 to’o Fulan Dezembru tinan 2023, Ministru ba Asuntus Parlamentares no Komunikasaun Sosiál (MAPKOMS), Fransisco Martins da Costa Pereira Jerónimo atribui sertifikadu ba kursu dalen Portugues ba Jornalista no fundamentu jornalizmu.
Serimonia atribuisaun sertifikadu ne’ebé realiza iha loron Salaun kulturál, Embaxada Portugal, Sesta, (10/02/2023) ne’e, iha nia intervensaun, MAPKOMS Francisco hato’o obrigadu no agradese ba governu Timor-Leste ne’ebé halo parseiru hodi servisu hamutuk ho Governu Portugueza, liu hosi kooperasaun ba projeitu Consultório da Lingua para Jornalistas (CLJ).
“Kooperasaun ne’e fó apoiu spesialmente iha area komunikasaun sosiál hodi fó formasaun ba Jornalista Timor-oan sira hasa’e sira nia kapasidade iha area jornalista nian. Nune’e, Jornalista sira hakerek notísia laos konvronta”, MAPKOMS Jeronimo dehan.
Ba formandu sira ne’ebé konsege atinji to’o remata mai simu sertifikadu, MAPKOMS Jeronimo hateten, hotu-hotu di’ak no kualidade. Maibé, sertifikadu sei la responde nesesidade hotu-hotu, kuandu Jornalista sira la utiliza iha ida-idak nia profisaun Jornalizmu nian.
Iha memento ne’e MAPKOMS Jeronimo ho haksolok hato’o parabens hodi husu ba formandu sira n’ebé mai hosi jornalista elektronika no emprimi iha Timor-Leste (TL) atu simu sertifikadu iha surat tahan ne’e hodi determina moos esforsu sira ne’ebé formandu sira halo ona atu hadia di’ak liutan, notísia hirak ne’ebé mak Ita Boot sira hakerek ho kualidade.
“Sertifikadu surat tahan deit. Loos duni, nia sei la responde no realiza ba buat sira ne’ebe Ita boot sira presiza. Maibé durante prosesu kursu ne’e maka imi tenke aproveita atu implementa iha imi nia vida diaria lor-loron. Nune’e públiku bele akompaña notísia ho di’ak”, katak MAPKOMS Jeronimo.
Ba formador sira MAPKOMS Jeronimo husu atu laos atu kompletu tempu ba materia sira. Formador sira tenke fó formasaun hodi prepara Timor oan sira sai formador iha dalen Portugues iha futuru. Formador sira atu propriu fó formasaun Portugues ba Timor oan sira. Hanesan moos prepara Timor oan sira moos bele sai formador iha futuru.
“Ba dala ikus hato’o ha’u nia parabéns no agradese ba hotu-hotu. Maibé, ha’u husu labele satifas ho sertifikadu ne’ebé ohin imi simu. Ne’e hanesan responsabilidade boot ida atu imi bele aplika iha imi nia vida Jornalizmu nian”, MAPKOMS dehan.
Iha parte seluk Adida ba kooperasaun Cristina Faustino hateten, kooperasaun projeitu Consultório da Lingua para Jornalistas (CLJ) ne’ebé hala’o dezde tinan 2016 ne’e atu kapasita no hadia jornalista nia kualidade sai professionál liutan.
Hosi kontinuasaun projeitu CLJ nia formasaun sira katak Cristina, ohin loron utilizasaun lingua Portugueza dezemvolve iha meu komunikasaun sosiál aumenta ba bei-beik. Iha ninia progresu, Jornalista sira iha kapasidade buka dadus ho faktus no rekolla dadus iha dalen Portuguez.
“Liu hosi Ita Boot sira nia komunikasaun no motivasaun, ohin loron hamutuk iha ne’e hodi simu imi nia rezultadu ne’ebé hala’o ona iha tinan 2022 liu ba. Sertifikadu sei sai motivasaun di’ak ba Ita Boot sir hala’o servisu ho di’ak liutan”, Critina dehan.
Aliende ne’e tuir Cristina senti orgullu bazeia ba nia observasaun, joven jornalista foin hahú sira nia kariera iha mundu jornalizmu aumenta ba bei-beik. Tanba ema ho professionál jornalista barak maka preparadu di’ak liutan.
“Ha’u apresia suseisu formandu sira nia an ne’ebé di’ak liutan. Dezezu suseisu formandu sira sira hodi kontinua professionalize sira nia kapasidade. Hariku liutan dalen Portugues nu’udar lian ofisiál iha Timor-Leste”, tenik Cristina.
Partisipa moos iha serimonia intrega sertifikadu projeitu kooperasaun ho Consultório da Lingua para Jornalistas (CLJ) ne’ebé hala’o ona kursu entre Fulan Janeiru to’o Fulan Dezembru Tinan 2022 ne’e, Diretor Nasionál Ceftec, Rafael da Silva Rafael.
Total formandu ba Formasaun Portugues ba CLJ iha nivel A1 no A2, B1 no moos Portugues espesifiku ba jornalista-saúde no justisa. Hamutuk 63 sertifikadu ne’ebé hahú kursu dezde fulan Janeiru to’o Agostu 2022.
Kursu Portugues ba jornalista iha nivel A1, A2, hamutuk na’in 29, kursu Portugues ba Jornalista iha nivel B1 hamutuk nain 11, kursu dalen Portugues espesifiku ba jornalista area Saúde no justisa nain 24, jornalista estajiariu kursu Portugues ba jornalistahamutuk nain 19 no kursu fundamentu jornalizmu no jornalizmu. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.