(Reportajen Asistente Marcelino Tomae/Editora Suzana Cardoso)
DILI (Media ONE Timor) — Rekursu humanu foin ezekuta orsamentu privativa Parlamentu Nasionál (PN) nian ho montante 16, 210,224.00 USD to’o de’it 90% ba kraik maka sei la garante to’o Fulan Dezembru tinan 2022 ezekuta hotu to’o 100%.
“Ha’u la garante orsamentu primativa 2022 ezekuta to’o pursentu 100. Tanba, pursentu 100 ne’e pertense ba Maromak. Ita ema humanu ne’e ezekuta puresentu 90-resin hanesan ne’e. Ami nia esperiensia tinan liu ba ne’e até fim do ano sempre atinji to’o minimu pursentu 87 to’o 90.”
Kestaun ne’e hato’o hosi Sekretáriu Jerál PN, Adelino Afonso de Jesus ba Jornalista iha nia knaar fatin, iha uma fukun PN, Kinta, (29/09/2022).
Nia esplika liutan, ezekusaun Orsamentu Jerál Estadu (OJE) iha tinan 2021 nian tuir sekretariadu PN nia persentajen ki’ik. Maibé iha OJE 2022 nian, to’o Fulan Otubru ne’e sei iha periodu normál. Nune’e nia parte garante sei ezekuta to’o pursentu 80 ba leten.
Tuir dadus ne’ebé iha katak Adelino, orsamentu primativa PN atinze ona pursentu 63 husi totál 16, 210, 224.00 USD. Hosi kategoria lima; salariu, vensimentu Bens servisu, kapitál menor kapital dezenvolvimentu, transferesia públiku.
Total orsamentu ba ktegoria lima ne’e ho montannte 8,795,224.00 USD hosi total ezekusaun 10, 206,759.65 USD. Nune’e orsamentu primativa PN foin atinje ona 63 %.
Salariu vensimentu 5,600,959.00 USD, ezekuta ona 4,040,659.71 USD. Obrigasaun nian Zero total ezekusaun 4,040,659.71 USD. Bens servisu orsamentu atual 8,086,231.00 USD aloka 3,284,247.07 USD. Obrigasaun ninian 916,579.90 USD no totál ezekusaun bens no servisus 4,200,826.97 USD.
Kapitál menor orsamentu atual 646,034.00 USD. Aloka 8,965.00 USD. Alokasaun obrigasaun 494,308.00 USD. Totál ezekusaun 503,273.00 USD. Kapitál dezenvolvimentu 250.000.00 USD ezekusaun seidauk aloka, obrigasaun laiha. Totál zero.
Enkuantu transferensia públiku orsamentu atual 1,627,000.00 USD, ezekuta 1,461,999.97 obrigasaun ninian zero. Totál husi ezekusaun 1,461,999.97 USD.
Sekeretariu jerál ne’e hatete ezekusaun orsamentu 2022, laiha difikuldade. So iha de’it ba kapitál dezenvolvimentu ho fundu totál 250.000.00 USD, labele ezekuta. Tanba depende fali ba ministériu justista ho terras propriadades hodi fó fatin atu halo edifisiu PN. Maske, para konstroi edifisiu PN prespetiva hosi ministériu justisa halo ona reniaun hodi deside rai iha Hera. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.