(Reportájen Estajiadu João Colo/Editor Asitente Editor Marcelino Tomae)
DILI (Media ONE Timor) — Komunidade balun seidauk hetan sasan Cesta bazika tinan 2022 nian, bankada opozisaun Kongresu Nasionál Rekonstrusaun Timorense (CNRT-sigla Portugés) konsidera VIII Governu Konstituisionál halo diskriminasaun.
“Komunidade sira iha Munisipiu Ainaro no Postu Administrativu Maubisse lamenta tebes kona-ba Cesta bazika. Ne’e ita konsidera Governu ida ne’e halo diskriminasaun ba povu.”
Hateten membru Bankada CNRT Deputadu José Virgilio Fereira ba Jornalista iha resintu uma fukun Parlamentu Nasionál (PN) Tersa, (23/08/2022).
Deputadu José esplika, Orsamentu Jerál Estadu (OJE) tinan 2022 hosi PN aprova kuaze Miliaun 80 USD ne’ebé fó ona ba Ministeriu Turizmu Komersiu no Industria (MTCI) ho Sekretáriadu Estadu Kooperativa para atende Cesta bazika tinan 2022 nian.
Maibé programa Cesta bazika ho montante osan boot ne’e katak Deputadu José, hetan protesta mak’as hosi komunidade balun seidauk hetan. Tuir loloos kada ema ida tenke hetan osan 50.00 USD, bazeia ba fixa familia.
Nune’e Deputadu José konsidera, durante ne’e Governu halo diskriminasaun ba komunidade bainhira fahe sasan Cesta bazika, “La fahe hotu ba munispiu ida-idak. Hanesan, fahe iha Baukau seidauk hotu ba fali Ainaro. Seidauk remata Ainaro haksoit ba fali Covalima. Ne’e maka ha’u konsidera halo deskriminiasaun. Signifika, osan barak sei resin hela.” (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.