Para Karreta Aat Iha Estrada Públiku Multa 120 USD

(Reportajen Maria Sandrawati/ Asistente Editor Marcelino Tomae)

DILI (Media ONE Timor ) – Kareta aat sira ne’ebé mak populasaun sira tantu Polísia Nasionál Timor-Leste (PNTL), Forsa Defeza Timor-Leste (F-FDTL) husik hela iha estrada públiku, sei multa 120 USD.

“Populasaun sira ne’ebé rai hela sira nia karreta aat iha estrada públiku, tantue PNTL inklui F-FDTL no membru Governu sira karik la kumpri regras sei hetan multa   120 USD karik sira la obedese ba regras ne’ebé estabelese ona liu husi instituisaun PNTL , sei foti regras rigurozu ba sira ne’ebé la kumpri lei ka kodígu Estrada.”

Kestaun ne’e hato’o husi komandante Tranzitu Munisípiu Dili, Inspektor Polísia Domingos Sarmento Gama ba Media ONE Timor iha kna’ar fatin Caicoli, segunda (25/07/22).

Komandante Tranzitu Munisípiu Dili Inspektur polísia Domingos Sarmento Gama hateten, Aban ka bainrua sei koordena ho Diresaun Patrimoniu Estadu atu halo planu ba operasaun kareta aat sira ne’e. Maibé buka fasilidade hanesan kareta tronton ka kontainar hodi tula kareta aat sira ne’ebé abadona hela iha estrada ninin sira.

Tanba karreta sukato sira ne’ebé para iha fatin públiku sai prekupasaun Governu no instituisaun PNTL nian. Inklui prekupasaun boot ba ema lao ain sira tanba ne’e PNTL iha ona planu hodi halo operasaun hahú aban ka bainrua.

“Planu ida ne’e ita sei halo operasaun atu nune’e foti sai kareta aat sira neebe hitu foin daudauk ne’e loron 20 fulan   Maiuaio PNTL foti tan karreta haat iha portaun entrada Aeroportu Nicolau Lobatu”, komedante tranzitu ne’e informa hodi harutan.

Hahú husi fulan janeiru to fulan jullu 2022 iha loron 20 fulan Maiu polísia tranzitu halo operasaun no foti tan kareta aat hamutuk haat iha portaun entrada Aeroportu Nicolau Lobato. Sei kontinua halo planu atu hasai tan iha fatin seluk.

Komandante esplika, problema ne’ebé sira hasoru maka ekipamentu la sufisiente entaun tenke koordena ho diresaun patrimoniu estadu mak iha ekipamentus depende ba sira oferese apoiu ka ofere sira nia kareta tronton para bele uza. (Asesu Youtube/Facebook https://www.facebook.com/Media1Timor Media ONE Timor)