(Reportájen Guilhermino Ramos)
DILI (Media ONE Timor) — Ístoria pasadu mak hanesan alezerse hodi sustenta no organiza sobrevivente ba dezenvolvimentu iha futuru.
“Previleziu boot ida ba hau depois 48 anos ezistensia Partidu Frenti Revolusionariu Timor-Leste Indenpendente (FRETILIN-sigla Portuges), hau mai hamrik iha fatin ne’e hodi koalia ba ita boot sira iha Kintu kongresu Partidu FRETILIN.”
Hateten Primeiru Ministru (PM) Taur Matan Ruak iha nia diskursu bainhira partisipa iha kongresu Partidu FRETILIN iha Sentru Konvensaun Dili (CCD), Kinta (08/09/22).
Lee Notísia Relevante: Hamosu Pakote Foun Halo Mudansa ba Partidu Fretilin
Prezidente Partidu Libertasaun Popular (PLP) ne’e afirma, importante atu koalia konaba ístoria pasadu. Tamba bele sustenta sobrevivente sira hodi dezenvolve nasaun Republika Demokratika Timor-Leste (RDTL).
“Ko’alia konaba pasadu. Dala barak relembra fali Ita nia Istoria. Tamba istoria mak base fundamental hodi Sustenta Ita nia nasaun. Sustenta ita nia sosiadade, organizasaun no sobrevivensia ba futuru”, PM Taur hateten.
Haktuir PM Taur, Fretilin tinan 48. Durante tinan 14 ha’u servisu ho Fretilin rekordasaun di’ak ne’ebé nia rai mak lider sira sobrevivente primeira jerasaun mate mohu hotu. Maibé lori sira mak ohin loron Timor-Leste (TL) hetan liberdade hodi haksolok iha sira nia triste. Lori sira Ita reafirma Ita nia an hanesan nasaun foun.
Dirizente PLP ne’e realsa, segundu jerasaun ambisiosu. Jerasaun lutadores reziste, perziste jerasaun ida ne’ebé la rejistu. Kada momentu sira nia istoria sira desrekoiñese. Sira purifika no konsolida ba oin la interese dezafiu saida de’it mak iha.
“Iha serimonia solenia ida ne’e hau hakarak agradese Jeneral ho nia kompañeiru sira. Tamba Ita boot sira iha konvensaun politika diferente. Forte. Maibé Ita boot sira nunka trai prinsipiu Falintil nian ne’ebé kaer hanesan segundu komandante iha espiritu lutadores hodi defende patria no povu”, Taur dehan.
Nia afirma, krize sira ne’ebé akontese iha TL hanesan dezenvolvimentu politika sosiál nasaun nian. Presiza aprende ho ema seluk nia susesu. Maibé dala barak, la ajuda Ita prozeta ba futuru. Aprende ho Ita nia sala importante liu.
“Se Ita boot sira haree, Ita ema iha oin tolu. Balun be’ik. Seluk matenek. No ida seluk maka bulak. Matenek mak sira ne’ebé aprende ho ema seluk nia sala. Beik mak ida ne’ebé aprende ho nia sala. Bulak mak ida ne’ebé la aprende ho nia maneira rasik no la aprende ho ema seluk nia karakteristika moris”, Taur esplika hodi hatutan.
Nasaun RDTL iha buat tolu ne’ebé sempre akontese. Maibé sei iha tempu atu ita buka dalan hodi aprende. Na Taur mós rekoñese katak failla hirak ne’ebé akontese iha Ita nia nasaun tamba Ita nia estabilidade politika la metin. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.