(Reportajen Editor Marcelino Tomae)
Dili (Mesai ONE Timor) — Hamutuk suspeitu na’in neen ne’ebé kompostu husi mane nain lima no feto nain ida, ne’ebé deskonfia involve diretamente iha insidente, Culau Bekora, dau-daun ne’e Polisia Nasionál Timor-Leste (PNTL) sei buka tuir ninia kronolojia loloos hodi hatene motivu hosi akontesementu ne’e.
“Agora dau-daun PNTL asegura ona suspetu nain neen. Ita sei buka tuir atu hatene kronojia loloos atu hantene insidente ne’e mosu tanba saida. No agora dadaun sira nain neen iha hela Sela eskuadra Cirsto Rei hodi tuir prosesu identifikasaun.”
Esplika Xefe Gabinete Komunikasaun no Relasaun Públika PNTL, Superintendente Xefe Arnaldo Araújo liu husi konferensia imprensa ba Jornalista iha Kaikoli, Dili, Segunda, (20/03/2023).
Haktuir Xefe Arnaldo Araújo, Komandu PNTL rezista ona kazu insidente ne’ebé maka akontese iha loron 19 Fulan Marsu Tinan 2023 iha area Culau Bekora, Postu Administrativu Cristo Rei, Dili, hodi rezulta ema na’in ida mate. No maun-alin rasik na’in rua hetan kanek todan. Inklui, uma kost ida hetan sunu.
Hanesan públika ona iha wwww.mediaonetimor.co katak, akontesimentu ne’e akontese bainhira joven balun hamutuk hemu tua iha Domingu kalan, maizu menus tuku 21:35 hafoin sira fila sona malu no sunu uma kost ida.
Lee Notísia Relevante: Deskonfia Suspeitu Na’in Ida Taa Na’in Tolu
Nune’e katak Xefe Arnaldo, PNTL identifika ona vitima kanek todan ho inisial naran inisiál RDS tinan 21, kanek kma’an no inisial BBDC tinan 35. Maibé, nain ida seluk mate ho inisiál NDS tinan 20. Sira na’in tolu ne’e hela hotu iha Culau, Bekora,
Superintendente Xefe ne’e salienta tan katak, tuir informasaun suspeitu na’in neen ne’e deskonfia kompostu husi mane na’in lima no feto na’in ida. Dau-daun ne’e sira iha hela sela eskuadra Cirsto Rei hodi tuir prosesu identifikasaun.
Joven kontinua sona malu ne’e katak Xefe Arnaldo, PNTL konsidera hanesan hahalok individu sira hanesan ne’e maka la kumpri lei. PNTL halo esforsu tomak vizita sai uma tama uma ko’alia ho komunidade no joven sira atu rai an didi’ak para labele halo asaun ne’ebé maka viola lei. Maibé, akontesimentu sira sei kontinua mosu nafatin.
“Ita hotu-hotu hatene katak nasaun ema hotu iha lei nia okos, kuadu ita halo asaun ida lei maka sei regula ita Ita la bele fó sala ba ema ida, ita tenke husu ba ita nia an rasik, katak buat ne’ebé maka ha’u halo ne’e loos ka ou la loos”, esplika Xefe Arnaldo. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.