Deskonfia Suspeitu Na’in Ida Taa Na’in Tolu

(Reportájen Ekipa Media ONE Timor)

Dili (Media ONE) – Deskonfia grupu arte ritual ho grupu arte marsiál kontinua ataka malu rezulta joven na’in mate fatin no joven na’in rua kanek todan. Vitima na’in tolu ne’e hetan ona atendementu iha Hospitál Nasionál Guido Valadares (HNGV).

Tuir informasaun Media ONE Timor asesu katak, akontesimentu iha loron Domingu (19/03/2023), oras 10:00 kalan, iha Aldeia Kulau, Suku Bekora, Sub-Distritu Kristu-Rei, Munisípiu Dili, joven sira ataka rezulta joven nain-rua kanek grave no nain-ida lakon vida.

Tuir informasaun ne’ebé Media ONE Timor halibur hosi fonte ofisiál balu hateten, akontesimentu ne’e akontese, deskonfia bainhira husi grupu arte rituais deskuñesidu ida ho arte marsiál deskuñesidu ida seluk ne’ebé eziste iha Timor-Leste (TL) ataka malu to’o balun taa mate na’in ida.

Sei hosi fonte refere hateten, akontesementu taa malu ne’e akontese iha kalan Domingu kalan, (19/03/2023), maizu menus iha tuku 10:30 OTL iha Bairu Sabraka-Laran Aldeia Kulau, Suku Bekora, Sub-Distritu Kristu-Rei, Munisipiu Dili.

Husi akontesimentu taa malu ne’e rezulta joven na’in ida mate fatin no na’in rua kanek todan. Aliende ne’e husi akontesimentu ne’e mós rezulta uma balu hetan estragus no uma kos rua hetan sunu. To’o notísia ne’e hatun vitima na’in tolu ne’e lori ona ba HNGV.

Maske seidauk hatene kauza husi akontesimentu ba problema ataka malu ne’e, maibé Polisia Nasionál Timor-Leste (PNTL) to’o ona iha fatin hodi asegura no normaliza hikas situasaun hodi kontinua buka suspeitu sira.

Vítima nain rua ne’ebé mak hetan kanek grave ne’e evakua ona ba iha HNGV, inklui mós vítima ida ne’ebé mak mate iha fatin deskonfia husi gropu arte marsiais ninia membru.

Nune’e mós informasaun ne’ebé espalla, vítima nain tolu ida mate no rua seluk hetan kanek grave ne’e sona husi ema na’in ida de’it ka suspeitu nain ida de’it mak sona vítima na’in tolu.

Maibé tuir informasaun PNTL kaptura ona suspeitu ne’ebe mak sona vítima nain tolu ne’e.

Maske nune’e, to’o notísia ne’e públika Media ONE Timor seidauk hetan informasaun klaru katak PNTL halo ona kapturasaun ba suspeitu ne’ebé sona vítima nain tolu ne’e. (Asesu Youtube/Facebook https://www.facebook.com/Media1Timor Media ONE Timor)