Polítika PVT Promesa Beibeik Hamenus Dezempregu Ba Joven

(Reportajem Estajiada Marquita Freitas_ Nuryanti Fatima no Teotonia Neto/Editor Marcelino Tomae)

Dili (Media One Timor) – Hamenus dezempregu ba juventude iha Nasaun Timor-Leste (TL), nu’udar komprimisiu Kampañia eleisaun parlamentár tinan 2023 ninian ne’ebé Partidu Os Verde’s Timor (PVT)  sempre promesa beibeik iha sira nia deklarasaun politika.

Lee Notísia Relevante: Resolve Problema Sosiál, Partidu MLPM Sei Fó Subsidiu 100 USD

Tuir Prezidente PVT, Antonia Lelauno da Costa Cruz, inisiadu  Partidu Kolaborasaun Prezidente Francisco Paulino Gusmão no  koordenador feto partido Os Verdes Maria Dias Ximenes  bainhira hala’o mini Kampañia  iha Ponte Prezidente BJ Habibe iha Postu Administrativu Cristo Rei, Domingu, (23/04/2023) problema ne’ebé boot iha TL maka asuntu dezempregu.

Prezidente PVT Lalauno iha ninia deklarasaun politika hatete, povu fó fi’ar ba PVT ultrapasa bareira elitorál ho kadeira 5 to’o kadeira 7 iha elisaun parlamentantar  maka partidu sei utiliza orsamentu suvensaun  dólar haat ne’e hodi implementa sira nia komprimisiu hodi harii sentru formasaun profesionál empregu.

“Ita sei servisu hamutuk ho Verdes mundiál para implementa programa impregu Verdes hamutuk 50.000.000  ba membru Verdes tomak. No sei instala mos embaixador Verdes iha nasaun 10  hodi trata viza traballador, kontratu servisu ba membros Verdes tomak ne’ebé benefisia husi programa empregu Verdes”,  hatete  Lelahuno.

Iha fatin hanesan inisiadu Partidu Kolaborasaun Prezidente PVT, Francisco Paulino Gusmão hatete programa esensiál liu mak fó oportunidade ba desempregu sira. La’os ba katuas  de’it. Maibé ba jerasaun foun sira ne’ebé maka laiha oportunidade  ba servisu.

“Tanba ne’e   prepara ita nia an, prepara Ita nia uma laran hadia Ita nia futuru, Ita bele ense ita nia kakutak, ense Ita nia  kabun ho ita  nia misaun rasik”, dehan  Francisco hodi hatutan.

Tinan 20 ona ema ida nunka ko’alia  atu redus dezempregu,  parlamentu  sempre ko’alia katak  joven mak futuru. Tanba  ne’e husu husu ba joven sira tenke  brani ona hodi kore ida-idak nia  an husi desijaun anterior mai fali desijaun foun atu kontribu ba rai ida ne’e. Muda  ekonómika uma laran, reduz dezempregu iha rai laran, tenke ho vizaun rasik.

Entertantu koordenadora  partidus Verdes  Maria Dias Ximenes, enkoraza   ba feto nia  maluk sira katak, partidu Os Verdes nu’udar partidu ne’ebé luta ba desempregu.

“Agora iha ona objetivu oinsa atu promove ita nia nia joven  desempregu sira ne’ebé laiha servisu. Liu-liu feto maluk sira ne’ebe laiha servisu no sira tenke la’o ba rai liur Ha’u nia feto maluk  tenke  brani , labele dependente deit ba mane.   Ita  feto mos bele partisipa iha Vida politika,   hamriik iha oin ko’alia hanesan Ita nia mane sira”, dehan  Koordenadora Maria Dias hodi husu.

Ba  feto maluk sira Keta tauk,  maibé ho aten brani i hodi hasoru  eleisaun parlamentár  iha loron 21 fulan Maiu  tinan 2023 ba kabina votasaun nian keta haluha vota ba numeru 6.  Vota ba   partidu Os verdes Timor. Tanba partidu ne’e inimigu ho  dezempregu. (Asesu Youtube/Facebook https://www.facebook.com/Media1Timor Media ONE Timor)