(Reportajen Livia Sarmento/Editora Suzana Cardoso)
DILI (Media ONE Timor) – Maske Timor-Leste (TL) na’in ba kafé hodi produz rasik, maibé povu Timor-Leste nu’udar toos na’in kiak ba nafatin. Nune’e, Ministeru Agrikultura no Peskas (MAP) sei halo rehabilitasaun toos kafé para responde Prezidente Repúblika (PR) José Ramos Horta nia ideia hadia ninia folin.
“Ita sei halo rehabilitasaun kafé liga ba orsamentu ratifikativu ne’ebé Ministeriu propoin. No ideia Nai Prezidente nian, kona-ba fundu kafé. Ha’u hanesan Ministeriu Agrikultura sei kria linã koordenasaun di’ak ho ekipa tékniku para haree implementasaun.”
Asuntu ne’e hato’o hosi Ministru Agrikultura no Peskas (MAP), Pedro dos Reis ba Jornalista hafoin remata enkontru ho Presidente Repúblika (PR) José Ramos Horta iha Palasiu Prezidente, Sesta (29/07/2022).
Lee Notísia Relevante: Asanamo Husu Hafolin Presu Kafé
Minisiteiru MAP Pedro esplika, enkontru ho PR koa’lia kona-ba koordenasaun servisu ligadu ho MAP nian iha rai laran. Liu-liu atu halo rehabilitasaun kafé nia kontinuasaun ba futuru.
Maske katak MAP Pedro, rehabilitasaun kafé durante ne’e lao hela. Maibé, nia montante la boot, bazeia ba orsamentu ne’ebé ki’ik tenki fahe ba dirasaun jeral haat iha MAP nian.
Nune’e hatutan MAP Pedro, ekipa tékniku floresta kafé no plantasaun halo rejiminasaun expensaun ho númeru kiik tuir orsamentu. “Maibé ita espera iha esperansa boot iha orsamentu ratifikativu bele tulun Ministeriu ba nia aktividade,” MAP Pedro dehan.
Subsidiu fó dezde Governu dahuluk to’o VIII Governu Konstitusionál MAP Pedro hatete, ho orsamentu ki’ik. Hafoin halo rejuminasaun hosi totál 59.921 hektares plantasaun kafé, fó de’it ba 2.000 hektares.
Lee Notísia Relevante: Hamenus Dezempregu PR Horta Husu Mobiliza Joventude Kuda Kafé
Dehan MAP Pedro, ba plantasaun kafé nia sustentabilidade MAP parseira ho ACT (Agrikultura Kafé Timor) no CCT (Konstrusaun Kafé Timor) hodi prezuminasaun kafé besik 8.000-resin. Hamutuk 28.000 hektares maka hetan subsidiu. Ho produsaun di’ak 190 kilograma kada hektares.
“Maibé sira seluk produsaun ki’ik. Tanba ita laiha forsa ne’ebé bele uza hodi tesi kafé tuan,” dehan MAP Pedro hodi hatutan, iha enkontru ne’e mós deskute kona-ba fundu kafé. Nune’e bainhira folin kafé iha merkadu mundu ni’an monu, Estadu tenke sosa hotu tau iha armajen. Bainhira kafé folin sa’e fali mak estadu fó sai. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.