(Reportajen Guilhermino Ramos/Editora Suzana Cardoso)
Dili (Média ONE Timor) – Garante serbisu orgaun eleitorál iha eleisaun parlamentar tinan 2023 ho efetivu no kualidade, Governu Japaun liu hosi United Nations Development (UNDP – sigla Inglhes) apoiu orsamentu hamutuk 4 milhoens USD hodi rehabilita edifisiu Sekretáriado Tékniku Administrasaun Eleitoral (STAE).
“Durante ne’e, sira nia apoiu maximu tebes ba iha prosesu eleitoral STAE ho CNE. Hahú iha restaraurasaun independensia, mai to’o iha ultima elisaun. No agora sira apoiu fundu kuatru milhoens hodi rehabilita edifisiu STAE.”
Hatete Diretor Jerál STAE, Acelino Braco ba Jornalista iha edifisiu STAE, hafoin ensera serimonia entrega edifisiu foun ba STAE, Kinta, (01/12/2022). No reprezentante rezidente UNDP, Munkhtuya Altangerel moos hato’o agradese bele apoiu Timor-Leste.
Orsamentu 4 milloens USD ne’e, Gogernu Japaun fó liu hosi UNDP. Osan ne’e uza ba hadia edifisiu STAE iha kapitál munisipiu; Dili, Baucau, Ainaru, Aileu, Bobonaru, Liquica no kapitál munisipiu Lautém. Antes ne’e iha prosesu eleisaun prezidensiál, Governu Japaun moos apoiu orgaun eleitorál iha asistensia tékniku no prepara manuál eleisaun tempu Covid-19.
Esplika Acelino, apoiu doador hirak ne’e nu’udar komitmentu ba prosesu eleitoral dezde eleisaun prezidensiál primeru volta ho segundo volta, no prosesu eleisaun iha tinan 2017 no tinan 2018.
Katak Acelino, esperansa hosi apoiu doador sira ne’e atu eleisaun iha Timor-Leste bele hala’o ho kualidade partisipativu. Elisaun ida ne’ebé mak justu no tranparente. Liliu ba asuntu inprestretura ida ne’ebé mak importante tebes.
“Ita hotu moos hatene apoiu ida ne’ebé sertu no on time. Tamba Ita haree ba apoiu husi povu Japaun nian ne’e prosesu ida ne’ebé durante ne’e kontinua ho di’ak. Sempre renova kona-ba dukumentus konkordansia”, Acelino dehan.
Dokumentus konkordansia halo ba ema hotu hatene STAE nia preparasaun kada tinan. Tamba tuir Acelino, jestaun liu husi UNDP hodi kobre area komplesidade iha prosesu eleitorál ho jestaun ne’ebé mak fleksibel maibé efetivu.
Acelino dezafia Governu no povu Japaun atu bele hametin liu tan kooperasaun entre povu nasaun rua ne’e. Nune’e hatutan Acelino, liu hosi apoiu finanseiru no materiál bele hasa’e taxa partisipasaun sidadaun iha eleisaun parlamentar 2023.
Aliende ne’e ho apoiu finansia hosi Japaun ne’ebé natoon signifikante tebes. Katak Acelino, ho jestaun liu husi prosedimentu UNDP, efetivu liu hodi responde ba nesesidade STAE. Orsamentu ne’e aliende uza ba hadia edifisiu, halo moos revijaun ba lei eleisaun parlamentár. Sei altera regulamentu. No prepara manuál STAE.
“Tamba ida ne’e mak hau hakarak hatete katak apoiu orsamentu husi Japaun signifikante tebes ho fundu ida ne’ebé naton ho nia jestaun liu husi prosedimentu UNDP efetivu los hodi responde ba ita nia nesesidade”, dehan Alcino.
Iha oportunidade hanesan reprezentante rezidente UNDP, Munkhtuya Altangerel hateten, serimonia entrega edifisiu STAE nian ne’ebé renovadu iha edifisiu STAE nasional, Dili, Timor-Leste Ho apoiu finanseiru husi Governu Japaun.
“Ami orgullu atu finansia projetu ne‘ebé implementa husi UNDP, hamutuk ho Governu Timor-Leste. Eleisaun ne‘ebé livre no justu sai nu’udar fundamentu ba demokrasia. No finansiamentu ba projetu ne’e sai nu’udar simbolu amizade nian entre demokrasia sai forte no nasaun rua ne‘ebé iha loro-matan sa’e”, katak Munkhtuya.
Nia hateten, hanesan iha komemorasaun ho aniversériu ba dala 20 relasaun diplomatika entre Japaun no Timor-Leste. Governu Japaun hakarak hato’o agradese ba povu Timor Leste nia laran luak bele simu apoiu husi Japaun no UNDP hodi hametin kooperasaun atu promove eleisaun inkluzivu no informativu iha nivel nasionál no munisipiu iha territóriu nasionál.
“UNDP iha nia intervensaun haktuir hadia infraestrutura ba STAE no CNE sei fasilita ema hotu, inklui ema ho defisiénsia sira asesu politiku hodi hasa‘e tasa partisipasaun no promove eleisaun inkluziva hodi eleva kualidade demokrasia iha Timor-Leste”, Munkhtuya hatete. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.