MEDIAONETIMOR-Hafoin remata aktividade Internasionál nu’udar eis prezidente komite auto nível ba operasaun paz nian, Ramos Horta aprezenta a’an hosi nia vizita ne’e ba Prezidente Repúblika (PR), Francisco Guterres Lú Olo.
“Hau foin fila hosi rai liur. Durante iha rai liur, halo hau nia aktividade internasional iha Myanmar hodi koalia konaba poblema iha ne’eba,” dehan Eis PR, Ramos Horta ba Jornalista hafoin remata hasoru malu PR, Lú Olo iha Palasiu Prezidensial foin lalais ne’e.
Premiadu Nobel da Paz ne’e hateten, aktividade internasionál balun maka koalia konaba problema iha Nasaun Myanmar. Balun seluk maka halo enkontru iha Finlandia hó Sekretariu Jéral Organizasaun Nasoens Unidas (ONU) hodi konvoka reuniaun ho konsellu auto nivel da mediasaun ne’eba nian.
Aliende ne’e katak Ramos Horta, nia mós kontinua aktividade internasionáis ne’e ba iha Nova York. Hodi atende konvite ONU nian nu’udar kualidade eis Prezidente komite auto nivel ba operasaun da paz.
“Iha Novayorke halo reuniaun bo’ot ida iha ne’eba. Polisia hosi mundu tomak, hotu-hotu partisipa. Hosi Polisia Nasionál Timor-Leste (PNTL) hamutuk hó Komandante Jerál, Julio Hornay mós partisipa,” tenik Ramos Horta.
Hateten Ramos Horta, durante reuniaun ho polisia hosi nasaun hotu-hotu hamutuk ho peace keeping ONU nian koalia konaba operasaun da paz iha mundu. Liga ho Timor-Leste, haré partisipasaun PNTL ho Falintil-Forsa Deveza Timor-Leste (F-FDTL) iha ONU.
Remata reuniaun ho Polisia iha ONU, Ramos Horta konta nia vizita hodi kontinua ba Coreia do Sul. Iha ne’eba, hamutuk hó governu internasionais nomos Ministru Negosiu stranjeiru Korea do Soul nian koalia sobre ba Península Internasionál Korea nian.
Remata vizita hosi Korea do Soul, Ramos Horta kontinua vizita fila fali ba Alemanha hodi koalia problema oin-oin ba Europeia nian. Ida hosi problema Europeia nian maka refuziadu sira.
“Hau ba iha Coreia do Sul iha ne’eba aktividade barak mak iha ne’eba. Hau hó governu internasional koalia sobre ba Península internasional Korea nian. Halo reuniaun bo’ot ida iha ne’eba hamutuk ho Ministru Negosiu estrangeiru Coreia do Sul nian,” konta Ramos Horta.
Ba Jornalista, Ramos Horta informa mós konaba iha tempu besik hamutuk ho Prezidente Repúblika, Francisco Guterres Lú Olo sei halo vizita estadu ba Portugal. Tanba, tempu besik ona maka tenki rezumu hó rapidu.
“Hau akompanya PR Lú Olo nia vizita ba Nasaun vizinyu, Repúblika Indonezia (RI) hosi do’ok deit. Maske nune’e, hosi resepsaun ho Prezidente RI, Joko Widodo hatudu balansu positivu ba futuru Nasaun rai rua ne’e nian,” esplika Ramos Horta.(Reportájem Estájiadu Cardenio Alper)
Ita nia komentariu konaba post ne'e.