(Reportajem Angelo da Costa/Editora Suzana Cardoso)
DILI (Media One Timor) – Era Milineal hafasil ema hotu-hotu livre asesu ba sistema dijitalizasaun no asesu informasaun oioin ho lais. Tamba ne’e Sekretariu Estadu ba asuntu Komunikasaun Sosial (SECOMS-sigla Portuges).
“Ha’u hanoin era dijitalizasaun sai hanesan kultura foun ba mundu, inklui Timor-Leste. Ita hanesan nasaun hakarak ka lakoi kultura foun mundu nian ne’e tenke tama. Dalaruma kultura foun ne’e la’os ita nia hakarak. Maibé tanba mundu nia hakarak.”
Esplikasaun ne’e kasu husi SECOMS, Mericio Juvinal Acara liu husi sensibilizasaun literasia dizital ba estudante sira husi Eskola Sekundariu Geral Cristal Dili, Kinta (21/07/2022).
Mericio esplika liutan, tempu uluk sidadaun sira uza meius komunikasaun tradisional ka konvensional maka hodi transmiti no fahe informasaun ba malu meibe sei lori tempu ne’ebé mak naruk.
Maibe katak Mericio, era dijital wainhira hakerek status iha facebok la’os ita nia kolega mak asesu. Ema rihun ba rihun kada minutu bele asesu. Ne’e diferense bo’ot entre kultura komunikasaun iha tinan hirak liu ba ho agora.
Governante ne’e hatutan, presiza aproveita kultura dijital ne’e ho diak. Tamba iha desvantagem no vantagem ne’ebé boot, wainhira ema hotu preparadu atu utiliza sistema dizitalizasaun refere. Tanba kultura foun ne’e lais no fasil liu no la limete ona ba ema seluk.
“Nune’e karak Mericio, ho kultura foun ne’e governua sei prepara deit ita nia sidadaun atu sira bele matenek, kapasidade no skill para adapta an tuir era dijitalizasaun ida agora.
Governu mos sei la iha planu atu halakon meius komunikasaun dijital sira maibe governu sei fo liberdade tomak tamba meius ida ne la’os ita mak kaer maibe mundu nian ona.
Enkuantu tuir dadus husi SECOMS katak sidadaun timoroan ne’ebe utiliza internet liu ona rihun ida ona, tanba ema hotu-hotu utiliza ona smartphone no kada sidadaun utiliza ona simcard ida ba leten hodi asesu hotu ba internet. Ho nune’e numeru ba sidadaun ne’ebe utiliza internet barak liu fali populasaun sira iha Timor-Leste.
Ho nune’e membru VII Governu Konstitusional ne’e nafatin husu ba populasaun sira atu matenke liu smartphone tanba ita maka utiliza sistema dizitalizasaun iha era ida agora.
“Se smartphone iha era dijitalizasaun ida agora ne’e mak matenek liu fali ita nia sei estraga ita nia hanoin. Tanba era dijital ida agora iha situs oioin deit mak iha laran”, nia hakotu. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.