(Reportajem Estajiada Teotonia Neto – Nuryanti)
Dili (Media One Timor) -_ Haforsa teoria ne’ebé hetan ona durante tinan tolu nia laran, maka estudante finalista hamutuk na’in 61 husi Fakuldade Siénsia no Edukasaun Departamentu Língua Inglesh iha Universidade Dili (Undil) tuun ba terenu hodi hala’o estajiu pátika pedagojika no didaktika.
Haktuir iha deskursu; Vice Reitor Undil, Francisco Martins da Silva, L.cg, M.BA, Dekanu Fakuldade siénsia Edukasaun, Salvador de Carvalho Guterres, M.sc, Xefe Departamentu lingua Ingles Paulino F. Guterres, M.Pd, no reprezentante eskola sekundariu sira Diretor Eskola tékniku vokasionál, Gaspar Lobato Soares, S.Pd, hatete, departamentu língua Ingles ne’ebé establese tiha ona ho nia kreditu haat ne’e, hala’o estajiu pedagozika hodi substitui kona-ba teoria ne’ebé mak sira aprende tiha ona durante ne’e.
Serimonia kolokasaun estajiariu pratika pedagojika no didaktika ba atividade aprendizajen estudante finalista Departementu Lingua Inglesa, Fakuldade Siensia Edukasaun Undil ne’e hala’o iha loron Sesta, (12/05/2023) iha salaun Undil andar datoluk.
Estudante finalista Undil hamutuk nain 61 ne’e, sei hala’o estajiu durante fulan neen ne’ebé kumesa hosi 15 Maiu 2023 to’o loron 31 Otobru 2023 iha Ensinu Basiku 3º Ciclo no Ensino Secundario no Tecnico Vocacional sira iha Dili laran no moos iha munisipiu,
Vice Reitor Undil, Francisco Martins da Silva, L.cg, M.BA ne’ebé reprezentante reitor Undil iha nia deskursu esplika liutan, pratika pedagojika no didaktika ba atividade aprendizajen estudante finalista Departementu Lingua Inglesa nu’udar prátika ba teoria hirak ne’ebé hetan ona durante ne’e.
“Prátika ne’e importante teb-tebes. Tanba ne’e husu ba estudante sira atu ba prátika ho didiak no professional iha terenu hodi hanorin no forma ema para sai ema ho maneira oinsá para nia atu aprende. Ne’e mak importante”, sujere Vice Retor Francisco.
Nune’e katak Vice Retor Francisco estudante sira bainhira tuun ba terenu hodi hala’o prátika pedagozia tenki tuir metodu ne’ebé hetan ona ho spesifiku durante prosesu aprendijazen iha Undil. Prátika pedagozika para sai manorin ne’ebé di’ak.
Nia dehan, manorin nu’udar devosaun atu eduka ema seluk sai matenek. Bainhira ema seluk sai matenek ne’e nu’udar orgullu ba Ita an rasik. Tanba manorin maka edukador professional ho tarefa prinsipál; eduka, hanorin, orienta, diriji, forma, avalia no halo evaluasaun ba alunu sira ne’ebé iha hela prosesu edukasaun formal.
“Nune’e durante prátika pedagozika tenki hanorin estudante sira ho fuan, ho domin no ho disiplina. Tanba disiplina ne’e maka estudante hirak ne’ebé Ita hanorin bele atinji tarefa prinsipál hirak ne’ebé sai misaun husi manorin sira”, katak Vice Retór Francisco.
Iha parte seluk tuir Dekanu Fakuldade siénsia Edukasaun Undil, Salvador de Carvalho Guterres, M.sc katak, prátika pedagozika ne’e atu koloka estudante sira ba iha terenu para kompleta sira nia abilidade no sira nia koñesementu iha prátika pedagozika no didatika ne’ebé sira hetan tiha ona iha banku universidade.
“Bainhira aprende de’it teoria, mak ha’u hanoin labele adekuadu. Tanba ne’e maka tenki liu husi estajiu ka prátika. Husi estajiu mak bele suporta estudante universitariu sira haree direitamente problema saida de’it mak iha terenu, relasiona ho prosesu aprendiajazen”, katak Dekanu Salvador.
Lia fuan hanesan hato’o husi Xefe Departamentu Inglesh, Paulino Guterres, M.Pd. Nia hatete, estajiu pedagozika atu haklean estudante sira nia koñesementu Pedagozika no didatika hodi transfere siénsia. Liu-liu ba siénsia Ingles hodi hanorin estudante sira iha ensinu basiku no ensinu sekundaria.
Xefe depertementu Paulino hatutan, atividade ne’ebé hala’o relasiona ho estajiu prátika pedagozika no didatika ne’e mak baze preparasaun estudante ne’ebé mak sei koloka no destaka ba eskola sira ne’ebé hili tiha ona hodi hala’o sira nia prátika aprendisajen.
“Atividade ne’e bé hala’o relasiona ho Estajiu Pedagozia no prátika didatika mak kompostu husi prosesu selesaun ba administrasaun atu hare sira nia priensementu ba rekejitus ne’ebé presiza, no orsamentu hodi suporta ba atividade Pedagozia ne’e mai husi estudante rasik”, katak Paulino.
Katak Xefe Departemen Paulino ne’e relata, totál estudante ne’ebé sei ba hala’o estaju hamutuk asignasaun ba estajiu Pedagozia no prátika didatika ne’ebé hala’o iha periodu 2023 ho totál estudante hamutuk 61. Mane nain 20 no feto hamutuk 41, estudante hirak ne’e tur iha semetre 7 no 9.
Atividade ne’ebé hala’o relasiona ho Estajiu Pedagozia no prátika didatika mak kompostu husi prosesu selesaun ba administrasaun atu hare sira nia priensementu ba rekejitus nb presiza, no orsamentu hodi suporta ba atividade Pedagozia ne’e mai husi estudante rasik, katak Paulino.
Tuir Paulino afirma katak seremonia asignasaun ba estajio Pedagozia no prátika didatika ne’ebé hala’o iha periodu 2023 ho totál estudante hamutuk 61, mane nain 20 no feto hamutuk 41, estudante hirak ne’e tur iha semetre 7 no 9.
Reprezentante eskola sekundariu sira Diretor Eskola tékniku vokasionál, Gaspar Lobato Soares, S.Pd haktuir, nu’udar reprezentante eskola tékniku vokasionál apresia tebes ba universidade Dili, ne’ebé mak koloka ona sira nia estudante hodi ba hala’o prátika pedagozia didatika iha terenu
“Kona-ba teoria ne’ebé sira aprende barak liu-liu iha universidade, agora tempu ona para sira fahe fali sira nia matenek hirak ne’e ba estudante sira. Nu’udar manorin disiplina maka importante liu. Tanba ho dixiplina maka mantein Ita boot sira nia moris”, katak Gaspar.
Gaspar mós hatutan tan, bainhira mai iha departamentu Ingles nia objetivu ne’e atu sai mestre la’ós ba fatin seluk, tanba ne’e nia husu ba estajiada sira katak bainhira Estajiu hotu no gradua ona tenke ba hanorin tanba profesor sira ne’ebé iha teritóriu laran ne’e mesak idade idozu mak barak.
Nia mós rekomenda ba universidade Dili, karik bele aumenta tan departamentu matematika no departamentu fízika, tanba iha eskola sira hotu menus liu mak profesór sira iha area refere, katak Gaspar.
Seremonia asignasaun estajiariu prátika Pedagozika no didatika hetan partisipasaun masimu husi vice reitor UNDIL, Dekanu fakuldade siénsia edukasaun, xefe departamentu língua Ingles, reprezentante diretor eskola tekniku vokasional, korpo dosente sira husi UNDIL no estudante estajiariu Pedagozia refere. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.