MEDIAONETIMOR-Nu’udar vensedor, Partidu FRETILIN realiza dialogu hó Partidu Kongresu Nasional Rekonstrusaun Timorense (CNRT), Partidu Liberta Popular (PLP), Partidu Demokratiku (PD) no Partidu Khunto hodi halo planu ba formasaun VII governu konstitusional.
Kuaze besik óras laran ida resin, FRETILIN hó CNRT hahu dialogu ba dahuluk ne’ebé dirijim hosi Sékretariu Jeral Partidu FRETILIN, Marí Bin Amude Alkatiri hodi hetan akompañamentu husi Vice Sekretario Jeral José Reis, inklui Vice Prezidente Francisco Branco ho Aniceto Guterres.
Hosi parte delegasaun CNRT, dirijim husi Sékretariu Jeral Francisco Kalbuady Lay, Prezidente komisaun dirativa nasional-CDN, Dionisio Babo Soares hó Vice Prezidente, Virgilio Smith.
Enkontru ne’ebé lapartisipa husi Prezidente Partidu CNRT para bele foti desizaun masimu to’o remata laiha rezultadu. “Hó respeita konvite ne’ebé mak FRETILIN hato’o hodi mai rona hanoin balu hosi Partidu FRETILIN,” tenik Sekretariu Kalbuady.
Tanba Prezidente CNRT, Kay Rala Xanana Gusmão nia desijaun importante liu hotu-hotu, nune’e Kalbuady esklarese, sei lori fila rezultadu dialogu ne’e hodi ba konvoka enkontru hó CPN-CDN hó Prezidente CNRT Kayrala Xanana Gusmão hafoin iha enkontru daruak nian maka sei koalia klean liutan.
Katak CNRT lahó Xanana sei laiha desizaun ruma. Maka FRETILIN sei lahetan senariu ruma. Enkontru FRETILIN-CNRT laiha rezultadu. “Nenhum cánario exluido (la iha senariu ruma ne’ebe hasai),” Marí Akatiri responde ba pergunta jornalista.
Maibé reforsatan Sekretáriu CNRT hodi dehan, Partidu CNRT sei lori fila Rezultadu hodi halo relatorio ba koletivu Lideransa, depois mak sei iha fali enkontru ba daruak nian hodi koalia klean liu tan. (Retájem José samul/Dionisio da Cruz)
Ita nia komentariu konaba post ne'e.