(Reportajen Guilhermino Ramos/ Suzana Cardoso)
DILI (Media ONE Timor) – Programa cesta bazika nu’udar modelu ida hosi planu rekoperasaun ekonomia ne’ebé implementa ona iha tinan 2021, nune’e iha tinan 2022 tama etapa daruak.
Ministeiru Turismo Comersio e Industria (MTCI) José Lucas do Carmo da Silva iha serimonia lansamantu cesta basika faze daruak iha Aldeia Baia Leste, Suku Comoro, Postu Administrativu Dom Aleixo hateten, programa cesta basika hanesan modelu ida husi planu rekoperasaun ekonomia.
“Husi Governu no parseiru dezenzolvimentu sira hotu iha ne’e hodi halo abertura ba programa cesta basika ba daruak. Programa cesta basika hanesan modelu ida husi planu rekoperasaun ekonomia ne’ebé implementa ona iha tinan 2021”, hateten MTCI José.
Nia hateten, baze legal cesta basika etape daruak iha dekreitu lei númeru 10/2022 ho objetivu atu haforsa ekonomia nasionál. Povu Timor-Leste sei hetan benefisiu, liu hosi promove produtu rai laran.
“Produtu rai laran ne’ebé produs hosi Timoroan sei hasa’e tan quantidade produsaun husi foos, foree, koto no seluseluk tan. Tanba cesta bazika ne’ebé distribui ba benifisiariu sira maioria produtu local”, katak MTCI José.
Iha Fatin hanesan Vice Ministru Administrasaun Estatal, Lino de Jesus Torejão hateten, benifisiariu 3.000 mak sei hetan. Nune’e ba funsionariu públiku ho salariu 500 USD ba leten sei la hetan, inklui kargu xefia sira.
“Hau garante númeru ne’ebé ohin mensiona sei hetan hotu. Tanba dados ne’ebé iha mai husi aldeia, suku, postu to’o munisipiu. Foos ne’ebé iha la disponivel distribui ba xefi familia iha teritoriu nasional”, hateten Vice MAE, Lino.(Asesu Youtube/facebook Media ONE Timor)
Ita nia komentariu konaba post ne'e.