(Reportajen Marcelino Tomae)
Dili (Media ONE Timor) – Hafoin bolu atu sai testamuiña ba públikasau Jornál diariu Timor Post nia públikasaun kona-ba kazu Topu Honis nian, maibé desizaun tribunál adia fali ba loron 26 fulan Juñu tinan 2023, ida ne’e konsidera atendimentu la konsiten.
“Ohin ami mai iha ne’e tanba Ita simu karta notifikasaun husi tribunal katak iha tuku 14:00 Oras Timor-Leste nu’udar eis Diretora Timor Post sei mai atu sai sasin ba kazu Topu Honis nian. Tanba ne’e maka ohin marka prezensa iha ne’e.”
Hateten Eis Diretora Timor Post, Suzana Cardoso ba Jornalista iha resintu tribunál Distritál Dili, Kuarta, (26/04/2023).
Nia hateten, prezensa iha tribunal para fó sasin de’it ba públikasaun notísia balun ne’ebé liga ho kazu tupo honis nian iha website Timor Post. Maibé, to’o iha ne’e hein iha tribunal to’o tuku 16:00 OTL konfirma foin maka dehan adia fali ba loron seluk.
Hatuir Suzana, desizaun adia ne’e laho fó hatene antes. Signifika, servisu administrasaun iha tribunal ne’e maka la-loos. Tuir loloos sira kuandu adia fó fila fali karta notifikasaun adia ba para labele lakon tempu.
“Sorte ohin ha’u ba halo komfirmasaun. Maka ohin ha’u la-ba halo komfirmasaun, maka ha’u hamutuk ho kolega sira husi jornalista ne’ebé mai nakonu iha ne’e kala tuur to’o kleur loos. To’o taka odamatan maka foin dehan adia fali”, deklara Suzana.
Tuir loloos, katak Eis Diretora Timor Post ne’e, tribunál kuandu adia hanesan ne’e, loron tolu antes ne’e tenke fó fali ona karta notifikasaun adiantemente informasaun. Nune’e, la-bele lakon tempu ka halo prepasaun.
Tanba hatutan Suzana, ha’u lakonsege ba hala’o misaun balun iha Oe-cusse ho rajaun mai sasin iha tribunal. Aliende tenki lakon servisu balun. No prezensa Jornalista sira nian iha Tribunál ne’e bele prejudika servisu kobertura ba asuntu seluk.
“Perkupasaun seluk maka kuandu akontese ba sira ne’ebé hela dook iha Munisipiu Liquisa ka Ermera mai to’o tiha iha ne’e maka adia fali la-ho sira hatene, maka sei prejudika ba tempu no osan ba transporte. Nune’e, presiza hadia asuntu servisu administrasaun iha Tribunál Distritál Dili ne’e nian”, tenik eis Diretora Suzana ne’ebé nu’udar moos na’in ba Kompañia Timor Post ne’e.
Katak Suzana ne’ebé nu’udar moos na’in ba Kompañia Media ONE Timor, tuir parte administrasaun nia klarifikasaun hafoin halo konfirmasaun, sira la-fó hatene razaun klaru. Maibé sira dehan de’it katak, adia fali ba loron 26 fulan Juñu tinan 2023, iha oras tuku 09 dadeer.
Akompaña eis Diretora Timor Post no atuál Editor Media ONE Timor ne’e, formandu Sentru tékniku Komunikasaun (Ceftec-sigla Portugues), Jornalista Timor Post no funsionariu no moos Jornalista Media ONE Timor. Hahú iha tuku 13:30 sira marka ona prezensa iha tribunal hein to’o tuku 16:00 foin maka hatene katak adia fali ba tempu seluk.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.