OPINIAUN: FASE LIMAN REDUS MORAS IHA KOMUNIDADE!

Eskritor Formandu Ceftec 2023 iha Unidade Hakerek Imprensa Teobursi Soriano)

Dili (Media ONE Timor) – Saúde mak fatór  importante ba komunidade nia moris. Nune’e, hotu-hotu hakarak moris ho kondisaun saudavél. Maka, isin lolon tenki di’ak hodi hala’o atividade loron-loron nian. Isin lolon ne’ebé esesnsáil maka liiman nu’udar parte dahuluk hodi hala’o  asaun  iha moris komunidade nia leet.

Komunidade mak grupu hosi ema sira ho karateristíka oioin ne’ebé iha ligasaun liu husi relasaun sosiál, fahe prespektiva komum no envolve an iha atividade hamutuk iha fatin ida ka lokál jeografiku. Nune’e, lokál  jeografiku komunidade sira presiza atensaun maximu saúde nian.

 Atu sai komunidade saudável laos fasil. Abitu no atitude moris saudável persija aplika. Maibé komunidade barak mak la hatoman an atu kuidadu sira nia saúde. Attitude moris saudável ida ne‘e sai impaktu ba moras barak no halo kualidade moris komunidade menus. Kuidadu saúde isin lolon hahu husi buat hirak ne’ebe simples.

AIjene liman nu’udar attitude simples hodi kuidadu isin lolon. Maneira simples ne’e, hala’o liu hosi hamos liman hodi reduz substansia patojeniu hanesan mikro-organismu iha liman. Prosedimentu fase liman maka uza be’e no sabaun ka alkó.

Manieru fase liman uja be’e mos no sabaun ka alkó ne’e tenki aplika iha komunidade nia leet para prevene korenti transmisaun infeksaun. Tanba, moras kutun mosu kualker fatin. Laos de’it iha fatin foer. Maibé,  bele iha fatin mo’os. Dala barak kutun transmiti no hadaet liu husi ita nia liman rasik.

Atividade loron-loron, liman maka  asaun dahuluk ne’ebé sempre kontaktu ho sasan hanesan lapijeira, odamatan, telefone, komputador no sasan sira seluk. Maske dala barak sasan hirak ne’e seidauk livre husi bateria ka kutun.

Polítika asistensia saúde Hospital Nacional Guido Valadares (HNGV-Sigla Portugues) kona ba ijene liman dehan, fase liman ho be’e no sabaun hodi halakon kutun ne’ebé sai hanesan virus. Maka, tenki prevene para labele da’et ba ema nia isin lolon. Liu-liu antes atu konsumu hahan ruma.

Organizasaun Mundial Saúde (OMS) sujere komunidade iha dever atu fase liman hodi prevene kutun no virus. Bazeia ba dadus husi OMS, kutun iha liman laran hamutuk 39.000 -460.000 CFU（Colony Forming Unit-lian Inglesh）kada sentimetru kubiku.

Fase liman ho be’e no sabaun ka alkó halo moris saudavel hodi prevene transmiti infeksaun respiratoriu no diarea husi ema ida ba ema seluk. Kutun bele da’et liu husi (1) kaer matan, inus no ibun wainhira la fase liman. (2) Konsumu hahan no hemu wainhira la fase liman. (3) kaer sasan ne’ebé kontaminasaun. (4)  Mear no fani uja liman depois kaer liman ho ema seluk no sasan sira.

Organizasaun Mundial Saúde (OMS) haktuir fase liman ho bee no sabaun nia durasaun tempu 40-60 segundu tuir etapa sira hanesan tuir mai ne‘e:

1. Habokon liman ho bee.
2. Kose sabaun ba liman.
3. Kose liman laran hamutuk.
4. Kose liman fuan kotuk liur no leet karuk no loos.
5. Kose liman fuan laran leet karuk no loos.
6. Kose liman fuan kotuk ba liman laran karuk no loos.
7. Kose liman fuan boot karuk no loos.
8. Kose liman fuan tutun ba liman laran karuk no loos.
9. Solur liman ho bee moos.
10. Hamaran limam ho
11. Uja tisue hodi taka torneira.
12. Wainhira kondisaun bee ka sabaun la iha hodi fase liman, maneira seluk uja alkó ka hand sanitizer ho 70% durasaun tempu 20 segundus ho etapa ne’ebé hanesan.            Benifisiu fase liman ba saúde efetivu tebes, Maibé komunidade barak seidauk aplika iha moris loron-loron nian. Tanba la iha konsiensia.  Iha aktividade loron-loron, kuaze komunidade la fase liman no sempre ignora abitu fase liman tamba sente okupadu ho aktividade seluk. La tau importansia ba moris saudável.Komunidade disiplina fase liman wainhira mundu tomak infrenta pandemia Covid-19.  Inklui Timor-Leste. Komunidade sente amiasa husi virus refere. Hotu-hotu tau importansia ba fase liman.  Hosi OMS no Ministeiru Saúde Timor Leste aplika regulamentu kona-ba kontrolu prevensaun infeksaun hanesan ijene liman, uza maskra no distansia fiziku. Maibé, hafoin anunsiu ofisiál katak  númeru pandemia Covid-19 hahú menus ona, komunidade hahú la tau importansia ba fase liman. Tanba, ema hotu-hotu nia  hanoin,  fase liman so bele hamate virus Covid-19 .

    

     

     

     

     

     

     

    Aliende ne’e, komunidade barak mak seidauk hatene fase liman tuir durasaun no etapa fase liman. Tuir hakerek na’in nia observasaun, ema  fase liman nia intensaun para halakon virus Covid-19. Maibé, virus sira seluk sei barak ne’ebé bele fó moras hanesan;   diarea, infeksaun respiratoriu, no hamenus numeru mortalidade.

    Peskiza husi Centers for Desease Control and Preventios ( CDC-Sigla Inglesh) fo sai katak fase liman uja sabaun hamenus mortalidade impaktu husi moras diarea to’o 50% no bainhira kada ema fase liman rutina, Miliaun  1 husi mortalidade kada tinan bele prevene.

    Bazeia ba estatistika fulan Janeiru to’o Marsu 2023 husi departementu emerzensia HNGV rejista pasiente moras diarea 71, Acute Respiratory Infection (ARI) 554, Upper Respiratory Tract Infection (URTI) 372.

    Laos  de’it komunidade, maibé bainhira esksritor hala’o observesaun ba fatin restaurante, Banku no Instituisaun  sira, hafoin  númeru kazu Covid-19 menus, fasilidade fase  liman hahú la iha ona. Balun prepara fasilidade fatin maibe la iha be’e moos no sabaun ka alkó ba kliente sira atu fase liman.

    Parte importante seluk ne’ebé presiza hetan atensaun hosi públiku maka; fornesedor hahan iha restaurante, uma no fatin serimonia balu, dalaruma la fase liman antes kaer hahan. Signifika hahan kontamina ho kutun bele fo impaktu moras diarea no infeksaun ba konsumidor.

    Alende ne’e moos hospital sai fatin dezenvolve microbio ka kutun impaktu husi infeksaun nosocomial. Infeksaun nosocomial mak infeksaun akontese husi transmiti direita iha Hospital bele husi pasiente ba pasiente, pesoal saúde ba pasiente, pasiente ba pesoal saúde no bele husi familia pasiente (visitor).

    Transmisaun infeksaun ida ne‘e liu husi mear, fani ka koalia husi distansia ne’ebé besik  fasil hetan infeksaun. Nune’e asegura ijene liman liu husi maneira fase liman mak metudu fasil no efetivu hodi prevene infeksaun nosocomial.

    Numeru moras diarea no infeksaun as iha Timor Leste, Ministeiru Saúde iha papel importante atu halo socializasaun ba komunidade oinsa atu prevene moras hirak nee liu husi informasaun fase liman, oferese be’e mos ba komunidade, halo manutensaun ba fasilidade fase liman hirak ne’ebé at.

    Selebrasaun loron mundiál Ijene Liman monu iha loron 5 Maiu 2023, fase liman uja be’e no sabaun ka alkó, la’os atu fó hanoin de’it iha loron mundial ijene liman maibé hatoman an beibeik fase liman loron-loron atu prevene ita ho familia husi moras hadaet. “Liman Mos Salva Vida.”(Asesu Youtube/Facebook https://www.facebook.com/Media1Timor Media ONE Timor)  

    Referensia :

    1. WHO guidelines On hand hygiene In health Care 2009
    2. Politika Assitensia Hospital Nasional Guido Valadares kona ba Ijene
    3. Relatorio Estatistika Trismestral HNGV 2023
    4. Liman 2019