(Reportajen Jornalista Mariquita Freitas)
Dili (www.mediaonetiimor.co) – Komunidade nia uma hamutuk 83 maka hetan estragus. Uma hirak ne’ebé hetan estraga ne’e tanba dezastre naturais no konflitu sosiál. Tuir dadus husi autoridade sivil, dezastre naturais no konflitu sosiál ne’e akontese, hahú iha loron 23 Otobru to’o loron 06 Novembru 2023.
“Durante akontese dezastre naturais ne’e, autoridade protesaun sivil servisu hamutuk ho autoridade munispiu halo kedas intervensaun. Iha intervensaun ne’e, ami foin maka fó apoiou emerjensia ba família sira ne’ebé afetada husi dezastre naturarais.”
Infomasaun ne’e hato’o husi Diretur Gabinete Relasaun Externál no Komunikasaun, Anacleto Caetano ba Jornalsita sira, liu husi konferensia imprensa iha salaun Autoridade Protesaun Sivil (APC sigla Portugues), Segunda, (6/11/2023).
Nia esplika liutan, uma hirak ne’ebé hetan estraga ne’e, tanba dezastre naturál ne’ebé akontese dezde semana ikus fulan Otobru no semana dahuluk iha fulan Novembru 2023. Nune’e, totál uma ne’ebé hetan estragu, husi APC fahe ba fulan Otobru no Novembru.
Katak Anacleto, espesifikasaun ba totál dadus husi loron 23 to’o loron 30 fulan Otobru nian hamutuk 47. Totál estragus ne’e, inklui ona ho xefi família afetada no uma ne’ebé maka estragus. Maibé ba loron 31 Otobru to’o loron 06 Novembru 2023, hamutuk 36 xefi família maka afetada.
Anacleto hatete, tipu dezastre hahú loron 31 Otobru to’o loron 06 Novembru 2023 barak liu ahi han uma. Komunidade hirak ne’ebé lakon sira nia hela fatin ne’e, maioria tanba konflitu sosiál. Maibé balun moos tanba anin boot hodi sobu sira nia uma.
Fatin Akontesementu |
Data |
Desrisaun Akontesementu |
| Munisipiu Ainaro, Postu Maubessi, Suku Maubessi, Aldeia Telituku | – | Ahi han Komunidade nia uma ida |
| Munispiu Baucau, Postu Quelicai, Suku Afasa:
1. Aldeia Wekobuti 2. Aldeia Boralai |
– | 1. Akontese konflitu Sosial estragus komunidade nia uma 11
2. Akontese konflitu sosiál hodi estraga komunidade nia uma hamutuk 4. |
| Munispiu Bobonaro, Postu Bobonaro, Suku Lourba, Aldeia Lourba Leten | – | Akontese ahi han komunidade nia uma 6. Uma hela 4 no keos 2. Aliende ne’e rejultadu moos ema kanek 7. Na’in 3 ne’ebé kanek todan iha ona hospital referral Maliana. |
| Munispiu Dili, Postu Cristo Rei, Suku Hera:
1. Aldeia Mota Ki’ik 2. Aldeia 12 Outobru |
– | 1. Akontese ahi han Komunidade nia uma ida.
2. Akontese ahi han Komunidade nia uma ida. |
| Munispiu Liquisa, Postu Maubara, Suku Vatuvou, Aldeia Gariana | – | Akontese anin boot hodi rezulta ahi han komunidade nia uma ida |
| Munispiu Manufahi, Postu Same, Suku Daisua, Aldeia Loti | – | Akontese ahi han komunidade nia uma rua
|
| RAEOA:
1. Sub Rejiaun Nitibe, Suku Lelaufe, Aldeia Mahata 2. Sub Pantai Makasar, Suku Lalisuk, Aldeia Padiae |
– | 1. Akontese ahi han Komunidade nia uma ida
2. Akontese ahi han Komunidade nia uma ida |
Hatete Anacleto, kazu dezastre naturais no konflitu sosiál ne’ebé akontese durante semana rua nia laran, liu-liu iha semana selebrasaun loron matebian nian, akontese konflitu sosial hodi haterus xefe família 83 maka lakon sira nia hela fatin.
“Dezastre naturais ho tipu, ahi han uma no anin boot. Kazu konflitu sosiál ho tipu ahi han uma no sasan hamutuk 21 maka ahi han mutuk tiha. No ema kanek na’in hitu”, Anacleto dehan. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.