MEDIAONETIMOR-Tamba iha futuru sei hasoru dezafiu ba dezenvolvimentu setor agrikultura maka presija hare politika komprensivu kobre area hotu-hotu no koresponde ho situasaun.
“Maibe ita nia objectivu ba dezenvolvimentu setor agrikultara maka sustentavel atu orienta ba merkadu. Katak ita atu dezenvolve setor Agrikultura labele halo a’at fali meu ambiente. Labele estraga fali Floresta.”
Lia fuan hirak ne’e hato’o hosi Vice Ministo Agricultura e Pescas (MAP), Marcus da Cruz bainhira loke Abertura ba Workshop iha Salão Uma Adat Ministeriu Agrikultura e pescas (MAP). Workshop ne’e partisipa husi director jeral husi dirisaun 4 MAP nian inklui mos ho ONG Nasional no Internasional sira,
Nia esplika liutan, kuandu hakiak animal dezenvolve setor pecuaria. Labele estraga fali buat seluk ne’ebe sustentavel. Katak orienta ba merkadu. Maibe Timor-Leste hakarak tama ASEAN entaum presiza produtu kualidade para tama merkadu.
Hateten Marcus, Timor-Leste (TL) tenki dezenvolve setor agrikultura para tempu naruk bele produs produtu Agrikola ida ne’ebe mak organic. Maibe, agora ita foin mak tama ba tinan 14 atu tama ba 15 maka persija mos Aihan naton ba ita nia povu.
Nune’e katak Marcus persija produs no aumenta produsaun. Maibe, tenki tahu bele dezenvolve setor Agrikultura ne’e labele estraga fali setor seluk. Agrikultura tenki tempu naruk atu produs produtu Agrikola ida ne’ebe mak organic.
“Maibe agora ita foin mak tama ba tinan 14 atu tama ba 15 entaun ita persija mos Aihan naton ba ita nia povu. Ho ida ne’e maka ita persija buka atu produs ou aumenta produsaun. Maibe ita mos la haluha tau matan oinsa maka ita bele dezenvolve setor Agrikultura ne’e labele estraga fali setor seluk,” tenik Marcus hodi hatutan.
Hakarak hasae ita nia produsaun hanesan hare, Batar, ne’ebe maka ita nia povu ne’e hakarak han etu. Ita mos labele estrga fali ambiente. Ita persija produs hare tenke tau adubu no pestisida maibe persija mos kontrola nia kuantidade. (Estajiariu Jose Samuel/ Nofiana da Costa)
Ita nia komentariu konaba post ne'e.