MEDIAONETIMOR-Atu iha matadalan ho dadus apurastika para defini politika servisu nian maka Ministeriu Argikultura no Peskas (MAP) draft ona resolusaun sensus agrikultura iha tinan 2018.
“Sensus agrikultura sei hala‘o iha nivel aldeia, suku to’o nivel munisipiu hotu-hotu. Inklui iha reziaun Otonomi Oe-cuse. Ita hotu tenki preparadu. Nune’e, iha aprezentasaun draft final resolusaun ne’e, ita tenki kontribui ideias oinsa bele implementa sensus agrikultura ne’e.”
Lia fuan hirak ne’e hato’o hosi Diretor Nasional MAP, Claudino Ninas Nabais wainhira hato’o nia diskursu iha aprezentasaun draft final resolusaun sensus agrikultura iha salaun uma lisan MAP, Sesta, (07/04). Partisipa iha serimonia ne’e, Vice Ministru MAP, Marcos da Cruz, Assesora Juridika, Sofia Neves no funsionariu iha MAP.
Claundino esplika liutan, kontribuisaun hosi funsionariu sira importante. Liu-liu ba revolusaun ne’ebé hakerek tiha ona. Inklui estrutura ba sensus agrikultura nian.
Iha parte seluk Asesora Juridika, Sofia Neves ne’ebé hamutuk ho ekipa téknika hodi prepara rezolusaun ne’e hateten, sensus agrikultura ne’e importante ba Timor-Leste (TL) para MAP harí politika servisu hó forte.
Katak Sofia, hosi politika servisu ne’ebé forte sei aumenta produsaun alimentar iha Timor-Leste (TL). Maibé atu hamenus ensurasaun alimentar, presija iha dadus konkretu. Prezija hatene di-diak preoridade agrikula iha TL.
“Nune’e presiza defini téknika rekolla dadus ho resepsiamentu agrikula. Liu hosi aprezentasaun draft ne’e sei aprova estrutura antis atu públika,” dehan Sofia ho esperansa bo’ot ba sensus ne’ebe sei realiza iha tinan 2018.(estajiáriu José Samuel/Nofiana)
Ita nia komentariu konaba post ne'e.