(Reportajen Estajiada Melina Ablogia Fernandes/ Editor Marcelino Tomae)
Dili (Media ONE Timor) — Atu hatutan foin sa’e sira nia talentu liu husi arte marsiais no arte rituaís para labele sai instrumentu ba partidu politiku (Parpol), maka Governu aprova ona orsamentu milliaun 2.6 USD hodi fasilita atividade tomak.
“Relasaun entre grupu arte marsiais no arte rituaís, Ita husu ba sira la-bele sai instrumentu ba partidu politiku sira. Tanba, Governu aprova ona orsamentu milliaun 2.6 USD ba atividade ne’ebé maka jerasaun foun sira ne’e atu hatutan sira nia talentu.”
Kestaun ne’e hato’o husi membru bankada Uniaun Demokratiku Timorense (UDT), Deputadu Francisco David liu husi sesaun plenaria iha uma fukun Parlamentu Nasionál (PN), Segunda, (20/02/2023).
Lee Notísia Relevante: Deskonfia Suspeitu Na’in Ida Taa Na’in Tolu
Deputadu Francisco haktuir, arte marsiais no rituaís sira la merese atu lori sira nia atributu hodi hamriik iha partidu politiku sira nia oin. Ida ne’e la edukativu. Maibe, la taka dalan ba membru arte marsiais no rituaís hirak ne’e, atu lori sira nia naran pesoál involve iha partidu saida de’it.
Tanba tuir Deputadu UDT ne’e, kuandu gupu arte marsiais no rituais sira lori atributu hodi tendensiu liu fó apoiu ba partidu politiku balun, ne’e la edukativu ba Nasaun Timor-Leste (TL). Tanba nasaun ida ne’e, la’os arte marsiais ka arte rituais sira maka atu ukun.
“Maibé ha’u fiar katak estatutu ba organizasaun sira hotu-hotu la fó autorizasaun ba sira para lori arte marsiais ho rituaís inklina an iha partidu politiku. Sira bele ba hanesan ema individu”, Francisco dehan.
Deputadu Francisco haktuir, arte marsiais moris tuir dekreitu Governu. Maka sira la la’o tuir nia dalan fasilimente ba Governu foun bele taka fila fali. Tanba sira dala barak moos hala’o fali servisu ne’ebé tuir loloos kompetensia ba Falintil-Forsa Deveza Timor-Leste (F-FDTL) no Polisia Nasionál Timor-Leste (PNTL).
Lee Notísia Relevante: PNTL Buka Tuir Suspeitu Koronolojia Insidente Becora
Enkuantu antes ne’e Governu liu-husi reniaun Konsellu Ministru (KM) aprova ona proposta rezolusaun Governu aprezenta husi Primeiru Ministru Taur Matan Ruak ba revogasaun Governu dekreitu lei númeru 16/2013, 10 Jullu, ne’ebé bandu arte marsiais halo atividade.
Nune’e iha tinan 2017 nia laran, PN atualiza lei númeru 5/2017 kona-ba atividade arte marsiais ho finalidade harii komisaun regulador arte marsiais (KRAM), ne’ebé tutela ba Sekretariu Estadu Juventude no Desportu (SEJD). Lei ne’e hamutuk artigu espesifiku 43.
Enkuatu KRAM harii tuir lei númeriu 10/2008, 16 Jullu ho objetivu atu regula organizasaun arte marsiál, ne’ebé ninia kumpri lei no kontinua mantein paz ho estabilidade hodi garantia dezenvovlvimetnu nasionál ne’ebé sustentabel, períodiku no ekilibradu iha aspitu hotu-hotu. Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.