Faillansu Eleisaun Suku: Kandidatura Aprezenta Tarde, Meja Eleitorál Hakerek ho Liman

(Reportajen Jornalista Adelina Fátima)

Díli (www.mediaonetimor.co) – Prosesu eleisaun xefi suku tinan 2023 iha Timor-Leste, maioria falla. Membru meja eleitorál menus. Kandidatura ba xefe aldeia, delegadu no delegada, no moos eleitorál sira nia naran tenki hakerek ho liman. Nune’e, fó impatu ba eleitor sira vota to’o kalan boot.

“Kandidaturas ba xefe aldeia no delegadu no delegada akontese iha loron votasaun. Nune’e la iha tempu atu produs buletin de votus ho fotografia. Ikus mai membru meja eleitorál tenki hakerek de’it ho liman.”

Hatete Direitor Jeral, Ministériu Administrasaun Estatal (MAE) António Guterres ne’ebé akompaña husi Direitór Jerál Sekretáriu Tékniku Administrasaun Estatal (STAE), Acilino Manuel Branco ba Jornalista sira iha konferênsia imprensa, ne’ebé hala’o iha Salaun STAE Kaikoli, Segunda, (30/10/2023).

Direitor Jeral, Ministériu Administrasaun Estatal (MAE) António Guterres ne’ebé akompaña husi Direitór Jerál Sekretáriu Tékniku Administrasaun Estatal (STAE), Acilino Manuel Branco realiza konferênsia imprensa ne’ebé hala’o iha salaun STAE Kaikoli, Segunda, (30/10/2023) hodi fó razaun ba faillansu durante eleisaun suku.

António esplika liutan hodi fó razaun ba faillansu hirak ne’ebé akontese durante prosesu eleisaun suku katak, estabelesimentu kalendariu ba eleisaun lideransa komunitariu apresenta antes loron 90. Maibé, Governu foin apresenta iha meadu fulan Agostu 2023.

Apresentasaun ne’ebé tarde tuir António, IX Governu Konstitusionál fó razaun katak foin simu posse iha loron 01 Jullu 2023. Hafoin simu posse, kontinua kedas konsentrasaun ba diskusaun no debate orsamentu retifikativu ho ninia programa sira. Nune’e, impede prepasaun prosesu eleisaun suku la maximu.

Prosesu Eleitoral Suku
Kandidatura
Tuir decreto Gov. 9/2023	Fixa ate dia 10 outubro	Avisu convovcatoriu reniaun konselhu do suku
Dia 13 Outubro	simu candidatura xefe do suku iha Suku ida-ida	(resultado iha 2.117 composto husi Mane-1.876 no Feto 241.
Dia 28 Outubro	Prosesu Votasaun	–
Tuir decreto Gov. 9/2023	Fixa ate dia 25 outubro	avisu konvokatoriu reniaun Assembleia de aldeia
7 ate 8 hras	xefe aldeia konvoka enkontro Assembleia aldeia	lori hili Eleitor nain 3 nu’udar membru lori prezide meja eleitorál aldeia
8 ate 9 hrs	membru meja sira simu kandidatura ba pozisaun xefe aldeia no delegadu/a no mos organiza sequensia kandidatura	iha modelu buletim no mos kontinua kedas ho kandidatu admitidu sira hato’o sira nia visaun no misaun durante minutu 15.
9 ate 15hrs	votasaun lori hili xefe do suku, xefe de Aldeia no Delegado/a	lori fasilita eleitores bele koñese nia kandidatura maka tuir Art. 65 dect.gov. 14/2016, sobre kabina de votus, sei koloka modelo buletim ba Xefe aldeia no delegado/a nia fotografia
Kontagem no Apuramentu:
Hafoin votasaun remata halo kontagem ba Bulitin delegado/delegada, xefe Suku no xefe de Aldeia.
Sistema nebe aplika ba Resultado kontagem Eleisaun Orgaun do Suku
Ba Pozisaun xefe do suku no xefe aldeia, utilizassitema 50%+1. Signifika, kandidatu ida tenki hetan votus metade husi votus validu +1. Wainhira laiha kandidatu ida husi pozisaun xefe suku nian maka la liu 50%+1 iha prosesu.
Apuramentu resultadu sei akontese fali votasaun segunda volta iha dia 13 Novembru 2023 no ba xefe aldeia nian sei akontese imediata.
Ba Pozisaun delegado/a utiliza sistema maioria simples.
Preparasaun Buletim de Votus Ba pozisaun xefe: – Suku meja eleitorál suku simu kandidatura iha dia 13 Otubru as 10 até 13 hrs iha suku ida-ida. – No mos organiza formatu bulitim de votus ho naran kandidaturas ho fotografia, – Hafoin ne’e lori mai halo produsaun iha Dili durante semana ida ( 14 ate 22 Otubru)
Ba Pozisaun xefe aldeia produs formatu ho kor amarelo no ba pozisaun delegado/a ho kor verde tuir modelo aprovadu atraves Diploma Ministerial.

Prosedimentu meza eleitorál aldeia hatutan António, iha óras tuku 07:00 to’o tuku 08:00 dadeer tuir loloos apresentasaun kandidatura ba xefi aldeia, Delegadu no delegada sira. Iha tuku 09:00 tenki hahú prosesu votasaun ba lideransa komunitáriu sira. Maibé, realidade maioria membru meja eleitorál hala’o tarde.

Eleisaun lider komuinitariu ba suku 452, hala’o iha aldeia 2,322. Maka katak António, meza eleitorál funsiona iha aldeia, tuir lei em vigor. Maibé, resultadu provisóriu ba pozisaun delegadu no delegada kuaze eleitu hotu ona iha loron eleisaun.

Kuadru Legal

Baze legal/diploma ba realizasaun Eleisaun orgaun do Suku haktuir ba: Lei nu. 9/2016 de 8 de Julho, Lei do Suku

Decreto do Governo nu. 14/2016 de 28 Setembro, sobre Regulamento Eleitoral para orgaun do suku

Decreto do Governo nu. 9/2023, de 16 de Agosto 2023, sobre fixa data ba realizasaun da assembleia Aldeia, Asembleia Suku e Konselho do Suku iha âmbitu procedimento Eleisaun

Lideres Komunitarios;

Diploma Ministerial nu39/2023 de 15 Setembro, sobre aprova minutas e formulários ba prosesu Eleitoral Orgaun do Suku.

Responsaveis:

Responsaveis ba iha organizasaun no apoiu ba eleisaun orgaun suku mak hanesan tuir mai ne’e:

1. Autoridades municipais ou administrasaun municipais atraves respectiva administrasaun no STAE refere ba art. 97 de Dect Gov. 14/2016 apoiu realizasaun reniaun asembleias de aldeia no konselho de suku ho nia objetivu lori simu kandidaturas, realiza votasaun, kontagem no moos apuramentu resultadu ba eleisaun orgaun suku.

2. Orgaun eleitorál refere iha art. 96 lei numeru 9/2016, sobre orgaun eleitorál, fó apoia ba assembleia aldeia no konselho do suku iha organizasaun do atos eleitorais relasionadu ho eleisaun suku ne’e rasik.

3. Ordem de servisu husi S.E. Ministro do MAE nu. 58/M.MAE/IX/2023, dia 15 de Setembro, lori forma Equipa MAE atu fó apoiu ba prosesu eleisaun suku 2023.

“Tanba utiliza sistema maioria simples. Pozisaun xefi aldeia moos kuaze eleitu hotu ona. Iha de’it aldeia tolu maka ninia rezultadu empata. Aldeia tolu ne’e sei hein de’it desizaun hodi avansa ba prosesu tuir mai”, António deklara.

Tuir observasaun Media ONE Timor nota katak, sentru votasaun loke tarde. Maioria loke iha tuku 10:00 dadeer. Hanesan iha Balibar Primeiru Ministru, Kay Rala Xanana Gusmão tenki hein durante oras ida nia aran. Iha eskola Instituto Ciensia Saúde (ICS) ba aldeia moris foun, suku Comoro moos loke iha tuki 09:30 OTL.

Sentru votasaun loke tarde ona, sistema hakerek ho liman ba naran eleitor sira ne’ebé atende husi ema na’in ida de’it dada tempu kleur liu. Tempu demora para atende ema ida to’o minutu lima ne’e moos, akontese iha buletin votus ba xefi aldeia, delegadu no delegada, tanba hakerek de’it ho liman.

Sistema manual ne’e impede to’o sentru votasaun ne’ebé tur loloos tenki taka iha tuku 15:00 OTL maibé iha sentru votasaun ICS, Comoro tenki taka iha tuku 20:00 OTL. Atendementu iha sentru votasaun ne’ebé la’o to’o kalan boot rezulta protesta barak husi komunidade sira iha media sosiais.

“STAE hakarak elojia no hato’o parabéns ba eleitores iha Timor laran, ne’ebé mak kria ona estabilidade no tranquilidade hodi harii hakmatek no paz. Iha loron 28 Setembru 2023 ne’e, hotu-hotu hatudu ninia antuziasmu ne’ebé bo’ot lori ezerse ona diretu ba vota iha ida-idak nia aldeia. Ho konsiensia, ema ida-idak hili ona ninia líder komuntariu; xefe suku, xefe aldeia, delegadu no delegada sira”, tenik António. (Asesu Youtube/Facebook https://www.facebook.com/Media1Timor Media ONE Timor)