(Reportajen Livia Sarmento/ Asistente Editor Marcelino Tomae)
DILI (Media ONE Timor) – Greater Sunrise, petroliu no minerais hanesan rikusoin Timor-Leste nian, Governu liu-husi mimistériu minerais apela ona ba Xefe Estadu, agora iha ona faze diskusaun ba kalendariu ninian, tuir planu sei konklui iha fulan Novembru tinan ne’e.
“Iha sorumutu ne’e, ami la ko’alia foka liu ba progressu diskusaun entre Governu Timor-Leste no Austrália kona-ba Progressu Setor Petroleum Minerais nian no mós kona-ba dezenvolvimentu greater Sunrise depois dokumentu Product Sharing Contract (PSC), rejime fiskal inklui dokumentu sira seluk ne’ebé oras ne’e dezenvolve hela inklui ho kalendáriu ba dokumentu sira hotu sei konklui iha fulan Novembru tinan 2022”,
Informasaun ne’e hato’o husi Prezidente Petroleum minerais Victor da Conceição Soares, ba Jornalista sira hafoin remata enkontru ho Prezidente Republika Jose Ramos Horta, iha palasiu Prezidensial, Bairu Pite, Segunda, (01/08/22).
Prezidente kontinua esplika, Kalendáriu ba dokumentu Sira hotu ne’ebe sei konklui iha Fulan Novembru 2022 foin finaliza diskusaun sira ne’e, tanba ne’e iha faze tuir mai sei iha asinatura akordu ka aprova dokumentu sira ne’ebé nesesita. Faze tuir mai sei tama ba iha dezenvolvementu kampu Bayu Undang.
“Tanba Timor Gap hanesan hare boot liu ho pursentu 56 Woodsite, mós operadór no Osaka gás. sei ko’alia hamutuk kona-ba planu dezenvolvimentu, tanba governu oras ne’e iha hela seriédade atu bele rezolve problema greater sunrise durante tempu naruk no hakarak duni tanba ita haree katak kampu Bayu Undan mós termina ona nune’e tenke fó atensaun no prióridade ba kampu greater sunrise atu bele halo Dezenvolvimentu lalais”, hatete Prezidente Victor hodi haktuir.
Iha enkontru ne’e mós Prezidente Repúblika husu tuir situasaun sira ne’e, maibé progresu no negosiasaun hotu la’o di’ak. pozisaun Timor- Leste nian klaru kona-ba oinsá kadoras ne’e ba iha ne’ebé. Konserteja katak durante ne’e públiku hatene katak kadoras sei mai Timor Leste. Ne’e la’ós ho razaun polítika de’it, maibé ne’e iha razaun tékniku liu-liu viabilidade komersiál ho ekonómiku no pozisaun governu nian atu lori kadoras mai TL parte ANMP no Timor Gap fundamentu ona katak estadu viabilidade ne’ebé iha permite atu dada kadoras mai Timor Leste.
“Xefe Estadu hanesan ai mahon boot tanba ne’e regulamente bainhira presija informasaun kona-ba parte petroleum no minerais nian Ministériu prontu atu mai halo atualiazasaun nune’e Xefe Estadu atualizadu ho informasaun hotu kona-ba prosesu no dezenvolvimentu greater sunrise nian” dehan MPM Victor
Victor imforma tan, iha sorumutu ne’e sira rona mensajen mós husi Prezidente Repúblika Katak atu Timor-Leste nafatin esplora rikusoin ne’ebé mak iha hamutuk ho Indonézia no Austrália hodi nafatin iha kooperasaun ba dezenvolve interese pais tolu ninian.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.