(Editora Suzana Cardoso)
DILI (Media ONE Timor) – Atu fó protesaun ba bens no serbisu sira hanesan atividade esportasaun no importasaun sira, maka Organizasaun Mundial Komérsiu (OMK) sei realiza konferensia nivel altu ba adezaun Timor-Leste (TL) ba OMK/ASEAN.
Tuir komunikadu imprensa ne’ebé Media ONE Timor simu esplika, OMK mak únika organizasaun internasional hodi regula atividade komérsiu internasionál ne’ebé harii iha tinan 1995. Ho objetivu haktuir husi akordu OMK nian maka hodi fo protesaun ba bens no serbisu sira hanesan atividade esportsaun no importasaun sira.
Sei nafatin hosi komunikadu imprensa ne’e katak, pinsípiu fundamentu konaba kriasaun OMK maka garante Prinsípiu husi nasaun Mais Favoresidu ( Most-Favored-Nation principle (MFN) ho tratamentu naun diskriminasaun entre países membru sira ho kompromisu konaba transparênsia husi atividade hotu.
Nune’e, TL através husi Ministru Koordenador ba Assuntu Ekonomikus (MCAE), lideradu husi Xefe Negosiador Adezaun Timor-Leste ba OMK, Eng. Joaquim Amaral halo tiha vários esforsu hodi enkoraja progresu hirak ne’e iha nivel negosiasaun.
Esforsu nivel negosiasaun hosi MCAE Jiaquim, hahu’u husi reuniaun nível xefe negosiador sira to’o nivel reuniaun plurilateral, bilateral no multilateral. Esforsu hirak ne’e mostra rezultadu signifikativu konaba prontidaun TL hodi sai membru OMK.
Hodi hatudu TL nia prontidaun no serieadade iha prosesu adezaun nee, iha loron 10 Jullu 2022, TL sei hetan vizita ofisial husi Prezidente Grupu Traballu adezaun Timor-Leste ba OMK, Embaixador Rui Macieira, Reprezentante Permanente Portugal ba Nasoens Unidas iha Jenebra ho ninia komitiva sira hanesan Maika Oshikawa, Diretora, Divizaun Adezaun ba OMK husi Jenebra no Anna Varyanik – Diretora ba Asuntu Jurídiku husi Divizaun Adezaun OMK nian. Vizita ne’e sai momentu istóriku ba Timor-Leste, depois nasaun ne’e restaura ninia independênsia iha loron 20 Maiu 2002.
Iha loron dahuluk , 11 Jullu 2022, Embaixador Rui Macieira, sei halo audiénsia ho Órgaun Soberanu Timor-Leste nian no Membru Governu balun. Nune’e iha loron daruak sei halo Abertura Konferensia Nivél Altu ba Adezaun Timor-Leste ba OMK/ASEAN iha loron 12 Jullu, 2022. Iha loron Datoluk, 13 Jullu 2022, sei iha audensia offisial ho Setor Privadu, Sosiedade Sivil, Asosiasaun Media no Parseiru Dezenvolvimetu sira hodi rona diretamente hanoin sira relasiona ho adezaun Timor-Leste ba OMK.
Envolvimentu no pozisaun Timor-Leste iha prosesu negosiasaun ho pais membru OMK sira durante nee, refleta no bazeia duni ba interesse nasional nian konaba promove kresimentu ekonómiku hodi lori Timor-Leste bele hakat ba oin nu’udar pais soberanu no independenti iha ninia atividade komersiu nian.
Nune’e, Governu Timor-Leste konsidera katak akordadu sira ne’ebe halo tiha ona até data através husi negosiasaun bilaterais nu’udar baze sólida ba negosiasaun tuir mai ho pais membru OMK sira seluk hodi hakat to faze finais. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.