(Reportajem Estajiada Media ONE Timor Teotonia Ximenes/Editora Suzana Cardoso)
Dili (Media ONE Timor) –Tauk atu ema barak tuir Jesus no fila kontra sira, maka uza rajaun politika, kultura no relijiaun iha pasajen hodi hakarak halakon Jesus Kristu husi mundu no sosiedade Judeu nian hodi prega Jesus Kristu iha krus.
“Ema sira ne’ebé hakarak atu halakon tiha Jesus Kristu, mosu hanesan autor ba Nia terus. Pasajem hakarak halakon tiha Jeus Kristu husi mundu no sosiedade Judeu nian. Sira halo Ida ne’e tanba rajaun politika, kultura no relijiaun. Sira ne’ebé iha parte politika nian, sira tauk atu ema wain mak tuir Jesus no fila kontra sira.”
Hateten Amu Parokia Igreja Santo Antonio Motael, Pe. Guilhermino da Silva iha ninia omilia wainhira prejidi misa selebrasaun adorasaun Krus nian iha tuku 15:00 OTL, iha Kampal Igreja Parokia Santo Antonio Motael, Sexta, (07/04/2023).
Lee Notísia Relevante: Kinta-feira Santa, Jesus Kristu Hatudu Hadomi Malu Hanesan An Rasik
Nune’e Pe. Guilhermino bolu sarani sira atu tuir Jesus Kristu. Prontu husik buat barak iha Ita nia aan. Hanesan; egoismu, hakarak di’ak ba an rasik. Ambisaun ne’ebé dala barak sai pontu indetenmentu ba ema seluk nia moris. Jesus fó exemplu ne’ebé importante liu ba Ita ida-idak pasa iha Ita nia moris. No ida-idak nia kna’ar.
“Fó ba seluk nia di’ak, ne’e naton ona ba pasa iha Ita nia moris”, Pe.Guilhermino hatete hodi hatutan, iha Jesus nia paixau Ita hanoin fila fali Jesus Kristu Nia terus no mate iha Krus. Maka, konvida Ita atu medita no reflete kona-ba pesoál ne’bé laiha kbi’it .
Lee Notísia Relevante: Cardeal Don Virgilio: “Sexta-feira Santa La-iha Misa Eukaristia”
Dehan Pe. Guilhermino, primeiru Jesus la iha kbi’it. Apostulu João la iha kbi’it, Maria Magdalena laiha kbi’it, feto Jerusalem la iha kbi’it. Iha Krus huun Nain Feto ne’ebé nu’udar ema la iha kbi’it hare dadaun Nia Oan Nia luta ne’ebé la iha ona kbi’it. Maibé iha ema nain rua ne’ebé kbi’it laiha, sei moris hias hodi hafoun mundu.
“Mai Ita tuir Jesus Kristu ho halakon tiha Ita nia egoizmu. Ita nia hakarak di’ak ba an rasik. No ambisaun ne’ebé dala barak sai pontu intendimentu ba ema seluk nia moris. Jesus fó exemplu ne’ebé importante liu ba Ita ida-idak nia moris no fo móso mai Ita ida-idak nia kna”ar”, husu Pe Guilhermino.
Selebrasaun Misa Adorasaun Kruz ne’e hetan partisipasaun maximu husi sarani sira, Amu Vigario Episkopal Pe. Juvito da Costa, Amu Vigario Parokia Motael Pe. Inosencio da Conseicao, relijiozu no relijioza sira, no mos responsavel koru husi groupu São Carlo Acostic Manleuana. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.