(Reportajen Asistente Editor Marcelino Tomae/Editora Suzana Cardoso)
DILI (Meia ONE Timor) – Relasiona ho espekulasaun iha públiku katak kuantidade kombustivel laiha, Parlamentu Nasionál (PN) liu husi Komisaun ‘C’ trata asuntu ba finansas públiku hala’o fiskalizasaun direta ba pertamina PITSA.
Lee Notisia Relevante: Labele Paniku Ho “Boatus” Kombustivel Menus
Ba Jornalista hafoin fiskalizasaun ba Pertamina iha Pantai Kelapa, Kinta, (28/07/2022) Prezidente Komisaun ‘C’ trata asuntu ba finansa públiku Maria Angelica Rangel hatete, hafoin fiskalizasaun iha Pertamina nota katak kombustivel mina sei to’o iha tempu besik.
“Realidade ami to’o iha kompañia ne’ebé hatama mina. Sira dehan, stok mina foin tama horikalan (Kuarta, 27/07/2022). Sira mai verifika hotu ona hodi prosesu selu taxa. Stok mina iha hela”, katak Deputada Maria.
Lee Notisia Relevante: Xefe Governu La Gagrante TL Hasoru Krize Kombustivel
Maske daudaun ne’e PN iha tempu resesu, maibé katak Deputada Maria, nu’udar orgaun fiskalizador nafatin toma responsabilidade hodi halo fiskalizasaun ba asuntu hirak ne’ebé sai perkupasaun hosi komunidade. Ne’e maka komustivel.
Katak Deputada Maria, durante semana ne’e nia laran PN observa hela folin mina sa’e. To’o ohin loron (Kinta, 28/07/2022) komunidade antrian iha pertamina hadau malu ense mina.
Maske daudaun ne’e hatutan Deputada Maria, Governu aprova ona dekretu lei hodi fó subsidiu ba Pertamina para fó ba transporte públiku. Maibé iha loron haat semana ne’e iha espekulasaun stok mina atu laiha ona.
“No ami simu kontaktu husi ema barak atu foti kestaun ne’e iha parlamentu, maibé tanba agora PN resesu hela maka aktu ne’ebé mak PN halo, tun direta ba terenu hodi haree situasaun real ne’ebé mak iha”, tenik Deputada Maria.
Aliende ba pertamina Deputada Maria hatete, sira mós halo fiskalizasaun ba ANPM hodi halo kombinasaun ba stok kombustivel. Aproveita oportunidade ne’e husu Prezidente ANPM tenki iha responsabilidade ba problema kombustivel.
Nia haktuir, iha fiskalizasaun ne’e, la’ós nia mesak nudar Prezidente Komisaun C. Maibé iha mós primeira Vise Prezidente PN, no membru komisaun ida. Mezmu sira lakonsegue mobiliza komisaun hotu. maibé sira reprezenta komisaun hotu-hotu ho mos rekonesementu husi Prezidente PN hodi haree lo loos katak mina ne’e stok iha kalae. Tanba espekulasaun katak stok mina laiha ona no karreta sei para.
Hatan Jornalista konaba espekulasaun kompañia fornesedor kombustivel hasa’e folin hatan Deputada Maria, sira labele koalia lai. Fó hela ba Prezidente ANPM atu haree asuntu hirak ne’e ho kle’an depois relata ba PN.
“La fasil atu kompañia sira halao espekulasaun atu hodi hasae folin mina. Tanba iha regras. Maibé depende ba merkadu internasionál no mós merkadu nasioná. Iha mós regras atu regula folin mina iha rai laran,” Deputada Maria dehan. (Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.