PR Lú OLo Partisipa Debate Jeral Nasõens Unidas

MEDIAONETIMOR– Prezidente Republika, Francisco Guterres Lú Olo sei partisipa debate Jeral Nasões Unidas iha Nova Yorke loron 18-21Setembru tinan 2017.

“Hau mai halo atualizasaun ho PR konaba aktividade ne’ebé maka iha planu laran atu hala’o iha Nova Yorke, iha ambitu enkontru Asembleia Jeral Nasões Unidas nian. Aktividade Asembleia Jeral Nasõens Unidas ne’e sei hahu iha loron 18 to’o 21 Setembru 2017.”

Lia hirak ne’e hato’o hosi Ministru Negosiu Estranjeiru no Koperasaun (MNEC), Hernani Coelho ba jornalista sira hafoin remata enkontru ho Prezidente Repúblika (PR), Francisco Guterres Lú Olo iha Palasiu Presidensial Nicolau Lobato, Tersa, (12/09/2017).

Nia hateten, durante vizita ne’e PR Lú Olo sei enkontru ho Sekretariu Jeral Nasõens Unidas nian. Partisipa iha resepsaun sira ne’ebé maka Sekretariu Jeral ho mós Prezidente Amerika nian sei oferese resepsaun hanesan uma nain hosi eventu ne’e rasik.

Aliende ne’e haktuir Hernani, iha sesaun plenaria ka abertura plenaria debate Asembleia Jeral Nasõens Unidás nian PR Lú Olo sei halo intervensaun reprezenta Estadu Timor-Leste (TL) nian.

Aktividade komplementaris relasiona ho enkontru iha konsellu seguransa Nasõens Unidas nian ne’ebé maka sei koalia konaba esperensia operasaun da Paz katak Hernani, TL sai ezemplu diak ida hosi konstrusaun manutensaun da Paz ne’ebé maka Nasões Unidas halo iha mundu tomak.

“Ne’e duni Asembelia Jeral Nasõens Unidas mos konvida TL para bele partilla esperensia hosi ita ninia interasaun ho Nasões Unidas hosi tinan 1999-2012 nian,” haktuir PR Lú Olo.

Dehan Hernani, PR Lú Olo mos komplementar liu tan hosi Fronteira Maritima. Sei halo konaba prosesu konsiliasaun konseptor TL ho Australia. No mos prosesu negosiasaun Fronteira Maritima TL ho Indonezia.

Nia hatutan, sei koalia mos konaba kestaun importansia pajina dezenvolvimentu iha paises sira ne’ebé maka foin sai hosi konflitu ka paises reliji atu iha ambitu programa G7+ ninian. Enkontru bilateral ne’ebé maka sei halo ho paises membru hosi CPLP ninian no mos reprezentantes hosi Estadus Unidus Amerika ninian.

Iha parte seluk membru Parlamentu Nasional iha uma fukun aprova umanimidade ba vizita dahuluk PR Lú Olo iha nia mandatu. (Reporteajem Deonisio da Cruz)