(Reportajen Livia Sarmento/Asistente Editor Marcelino Tomae)
DILI (Media ONE Timor) — Programa formasaun ba empoderamentu emprezariál,Xefe Estadu Timor-Leste, servisu hamutuk ho Instituto de Apoio ao Desenvolvimento Emprezarial (IADE) hodi fó apoiu ba inan Feto emprezarial sira iha Timor laran tomak.
Lia fuan hirak ne’e hato’o husi Presidente Repúblika ho Diretór Ezekutivu IADE, Filomeno Marcelino Beloho, ba jornalista hafoin remata partisipa iha serimónia enseramentu ba formasaun kona-ba empoderamentu feto, iha IADE Mandarin, Dili, Kuarta, (24/08/22).
“Programa ne’e husi prezidente repúblika hamutuk ho IADE para halo formasaun badak formasaun espesial ba inan feton sira ne’ebé halo busines para sira bele komprende no hatene liu tan kona ba halo planeamentu sukat sasan akontabilidade merkadu poupansa para neneik neneik sira bele ba oin”, Hatene Xefe Estadu José Manuel Ramos Horta hatete
Xefe estadu informa tan, maibé preokupasaun kuandu loke departementu ne’e iha palásiu Prezidensiál bolu dehan empoderamentu da mulher and power presizamente para haree oinsá bele muda sira no tane. La’os haree ba feto sira ne’ebé iha busines hanesan loja boot sira. Tenke tane inan sira ne’ebé mak faan tiga roda , modo, tais no buat sira seluk. Hodi nune’e bele hakat ba oin ho sira nia busines.
PR Horta informa, desizaun no intendimentu mezmu ke polítika ne’e la’o hanesan ne’e. Klaru tanba ema investidór sira iha liur, haree mós kontente no akompaña se situasaun polítika Prezidente Repúblika, Paralamentu Nasionál ho Governu la’o di’ak.
“Ema barak kontaktu ha’u kuaze loron loron ou ha’u ko’alia ho sira pesoalmente. nune’e Prezidente Indonézia mós fo intruksi maka’as ba ministru sira foin dadauk halo enkontru iha loron 18 iha Jakarta para haree oinsá ba oin implementa projetu idea ne’ebé prezidente Repúblika Indonézia ko’alia ho ha’u,” Informa Xefe Estadu hodi haktuir tan.
Iha tempu ruma atividade ekonómika barak sei akontese entaun para ita nia inan feton sira hotu hodi bele hetan benefisiu no patisipa direitamente ho koñesimentu. Ida ne’e mak importante, labele loron-loron tuur faan mak modo de’it. Maibé bele faan tan buat seluk tan. Prosesu ne’e tenke kontinua labele loron ruma de’it hanesan dala ida ka dala rua, Ne’e tenke permanente hodi kontinua, aumesmu tempu ajuda Governu mós ba dezenvolvimentu ekonomia iha rai laran.
“Ha’u hatete Governu tau Miliaun 50 USD iha BNCTL ne’e foin primeira ves, presizamente halo tulun ita nia setór privadu halo imprestimu para halo busines atu la’o ba maibé ho funan ne’ebé kaman loos ho 3 % tanba uluk ne’e todan boot loos 14% 12 % minimu 8% mais agora ne’e 3%. Ha’u sempre defende imprestimu ba setór privadu ho 3% bele tuun 2%. Ne’e mak bele ajuda ekonomia se funan todan demais ne’e oho ema ne’ebé impresta osan ho funan ne’ebé boot nia lakonsege selu”, dehan Xefe Estadu hatutan.
Kontente ho desizaun governu nian ne’ebé mak tau osan iha BNCTL Xefe estadu ko’alia dadauk ho ema iha liur hodi haree bilionariu boot iha rai iur nune’e bele apoia tan feto sira iha Timor-Leste para bele kontribui di’ak ba ekonomia.
Iha fatin hanesan, Diretór Ezekutivu IADE, Filomeno Marcelino Belo formasaun ne’ebé oferese hodi kapasita emprezariu sira nune’e bele jere busines, hodi bele dezenvolve ekonomia iha Timor Leste. Tanba IADE mós sempre halo planu negosiu ba joven sira ida ne’e prosesu sira ne’e la’o ho di’ak i tinan ida ne’e IADE ultrapasa orsamentu jerál do estadu konsege fo apoiu ba emprezariu hamutuk 16 iha timor laran tomak ba iha aspetu busines.
“Ami mós agradese ba Prezidente da Repúblika ne’ebé mak koopera ho IADE hodi fasilita formasaun ida ne’e, hodi kapasita ita nia inan feton sira no alin feton sira ne’ebé halo negósiu liu-liu ba mikro kiik sira graca deus ita halo tan ona formasaun kapasitasaun ba etapa segundu nia no etapa primeiru ita halo tiha iha semana hirak liu ba” Hatete Diretor ezekutivu hodi haktuir.
Etapa ida ne’e formasaun ho tipu rua, bolu dehan ba sira ne’ebé mak lahatene lee no hakerek. Maibe realidade hatene halo busines, ne’e merese duni atu hetan kapasitasaun liu husi formasaun. No ida seluk mak bolu jogu fila liman. Sira ne’e bele jere sira nia busines. (Asesu You Tube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.