Ramos Horta Klarifika Prosesu Timoroan Iha Timor Osidental

(Reportájen Livia Sarmento/Asistente Editor Jacinto Caet)

DILI (Media ONE Timor) — Daudaun ne’e Timoroan barak sei hela iha Nasaun Indonézia tanba konsikuensia husi tempu uluk nian, nune’e Prezidente Repúblika José Ramos Horta klarifika prosesu fraternidade umana Timoroan sira iha Timor Osidental.

Preziente Repúbliku Ramos-Horta klarifik katak prosesu la’ós objetivu ida atu lori Timoroan hotu-hotu fila mai Timor-Leste, maibé ba sira ne’ebé hakarak fila, tanba sidadaun Timor, sira atu hetan nasionalidade oin seluk hanesan Indonézia ka Amerikanu ka português kuandu hakarak fila no hetan sidadania orijinal tanba lei konstituisaun hateten ida ne’e.

Hateten PR Ramos liuhosi komunikandu imprensa iha Aeroportu Intenasionál Nicolau Lobato, Segunda, (25/07/2022)

Timoroan barak iha tiha ona abut iha indonesia, lubuk ida iha oan no beioan iha Indonézia, servisu no mós hetan fatin di’ak iha Indonézia.

“Ha’u hasoru balun iha Jakarta no sira servisu boot iha ne’eba, ha’u hasoru sira hotu-hotu hanesan Francisco Lopes, Eurico Guterres no Joanico no sira hotu hakarak buat di’ak de’it ba nasaun Timor Leste no nasaun Indonézia”, PR José Ramos Horta dehan.

Iha Vizita ne’e, Ramos-Horta hateten hasoru Timoroan barak iha Negara Timor-Timur (NTT) Kupan iha konsekuensia 1999 sei hela iha ne’eba, sira hatudu komportamentu di’ak kompara ho tempu uluk buat hothotu mudansa, Timoroan sira nkontente hamutuk ho sidadania Indonézia.

Xefe Estadu afirma, antes hasoru Timoroan sira, Ramos-Horta halo uluk enkontru ho Arse Bispo Kupan no parte Dioseze nian, oinsá hametin rekonsiliasaun Timoroan sira nian tuir konsritu fraternidade umana Timoroan sira nian iha Timor Osidental.

“Ha’u fiar ho ambiente nune’e iha tempu badak ita bele taka problema sira iha kotuk ne’e. Ha’u nuudar Prezidente no elementu ida husi jerasaun 1975, ami labele husik ba jerasaun foun problema ne’ebé hahú iha kotuk ne’e konsekuensia huis 1975 to’o 1999 halo Timoroan lubuk ida oras ne’e sei iha Indonézia”. PR Ramos-Horta dehan.

Xefe Estadu ne’e haktuir, Timoroan barak iha ona TL maibé balun to’o ohin loron seidauk mai TL tanba desizaun balun ne’ebé Nasoens unidas mak halo no lideransa sira momentu ne’eba laiha intervensaun ba problema hothotu atu rezolve.

“Ida ne’e mak ita hotu hakarak no saida mak Fraternidade Umana dehan ba povu no Estadu iha rai ida ne’e”, katak Ramos Horta. (Asesu Youtube/Facebook https://www.facebook.com/Media1Timor Media ONE Timor)