(Reportajen Estajiadu Media ONE Timor Mario Pereira)
Dili (Media One Timor) – Hafasil halo atendementu ba kazu sira ho krakter violensia bazeia ba jéneru. Violensia domestika. Maka, Ministeriu Saude (MS) hamutuk ho reprezentante Fundus Nasoins Unidas ba Populasaun (UNFPA) Timor-Leste halo inagurasaun ba fatin Seguru iha Atabae Municipiu Bobonaro.
“Inagurasaun ba fatin seguru ne’e atu kontinua hametin kapasidade setor saúde hodi responde ba kazu Violénsia Bazeia ba Jéneru (VBJ) iha Timor-Leste (TL), partikularmente iha Munisípiu Bobonaro.”
Esplikasaun ne’e hato’o husi Vice Ministru Saude, Bonifaçio Mau Coli dos Reis iha ninia deskursu bainhira inagura fatin seguru iha sentru saúde komunitária Atabae, Munisipiu Bobonaro, Sesta, (26/05/2023).
Nia hatete, fatin seguru ne’ebé finansia husi projetu Spotlight initiative, Uniaun Europeia liu hosi UNFPA ne’e husi projetu Spotlight Initiative, Uniaun Europeia inagura ona fatin seguru dahuluk iha Munisipiu Viqueque iha tinan 2022. No tinan 2023 ne’e inagura tan iha munisipiu Ermera. No fatin seguru datoluk makai ha Atabae ne’e.
Katak Bonifaçio, MS hamutuk ho reprezentante UNFPAhari’i fatin seguru sai hanesan espasu ida ne’ebé harii besik iha fasilidade saúde. Aliende fatin seguru kompleta ho ekipamentu no rekursus humanu ka pesoál saúde formandu sira. No sei utiliza fatin ne’e hodi halo atendementu ba kazu sira ho krakter violensia bazeia ba Jéneru ka Violensia Domestika
Bonifaçio esplika liutan VBJ sai ona hanesan problema saúde públika. Violênsia bazeia ba Jêneru kontinua sai violasaun komum. Problema direitus umanus iha nasaun jovem Timor-Leste. Iha Prevalénsia ba violênsia kontra feto no labarik feto sira, tuir Peskiza Demográfika no Saúde Timor-Leste tinan 2016 nian, hatudu katak un-tersu (%33) husi feto sira ho idade tinan 15-49 sofre ona asaltu fíziku husi kedas wainhira sira sei tinan 15.
“Ida-ne’e kazu ida-ne’ebé sériu no presiza ita hotu nia atensaun no serbisu makas partikularmente setór saúde nia intervensaun em termus ba prevensaun no resposta ba kazu Violênsia Bazeia Ba Jêneru, tanba setor saúde jeralmente sempre sai hanesan primeiru pontu de-kontaktu ba kazu violênsia bazeia ba jêneru”, Bonifaçia.
Dehan Bonifaçia, Husi aspetu polítiku no legál, atu responde ba kazu violênsia bazeia ba jéneru, Governu Timor-Leste aprova ona leis no polítikas nasionais atu responde ba kazu violênsia bazeia ba jéneru, no reafirma kompromisu Governu nian ba konvensaun internasional sira ligadu hodi responde ba violénsia kontra feto no labarik feto sira.
Hatete Bonifaçio Governu TL toma pozisaun ida forte liu husi promulga Lei Kontra Violênsia Doméstika iha tinan 2010, no deskreve violênsia doméstika hanesan krimi públiku, inklui violensia fízika, psikolójika, seksuál no ekonómika.
Esplika Bonifaçio Susessivamente, Governu Timor-Leste mos aprova no implementa ona Planu Asaun Nasional ba Violénsia Bazeia ba Jêneru (PAN VBJ) ba dala rua (PAN VBJ 2012-2014 no PAN VBJ 2017-2021) no resentemente governu Timor-Leste mos aprova ona PAN VBJ foun ho durasaun tempu tinan 10 (PAN VBJ 2022-2032).
Bonifaçio dehan, iha PAN VBJ foun pilar 2 mós kontinua estipula no reafirma provizaun servisu essensial sira ba feto no labarik-feto sira-ne’ebé esperiénsia violénsia no kontinua enfatiza no reafirma importansia husi setor saúde nia resposta ba kazu violénsia bazeia ba jéneru iha aproximasaun multisetoral nia laran.
Iha biban ida ne’e mos hatutan husi reprezentante (UNFPA)-Timor-Leste Sra. Pressia Arfin-Cabo hateten UNFPA halo ona observasaun bazeia ba Problema ne’ebe iha Municipiu Bobonaro i Nasionalmente ita iha 30% feto iha idade 15-94 iha exprencia violensia fisika no iha Bobonaro rasik iha 39% ne’ebe feto iha exprencia violensia fisika ho nune’e UNFPA tau asuntu idane’e importante tebes ba setor sentru saude atu resposta ba kazu Violensia Jéneru ka Violensia Domestika.
Nia hatutan tan katak parte siguransa mesak deit mos sei difisil ituan ho nune’e persija halo aprosimasaun ne’ebeke multi-setoral hodi nune’e bele asegura sustanreblidade ba Fatin Seguru ida ne’e importante maka forma ba pesoal saude sira para sira bele iha kapasidade para bele fo asistensia ne’ebe maka seguru no hodi asegura ba sustentablidade ba fatin refere.
UNFPA halo ona servisu hamutuk ho Ministero Saude (MS) ho objectivu ida katak atu asegura iha nivel poliku nian ne’ebe loos no propeiu ba oinsa maka atu bele responde ba kazu Vilensia bazeia ba Jéneru no asegura alokasaun de fundus espesialmente orasamnetu jeral de estado katak Guvernu rasik maka lidera duni.
Nia mos husu ajuda tebes ba Media sira hotu atu bele fahe mos informasaun sira hotu konaba ejestensia servisu setorais sira inklui moss ejestensia Fatin Seguru ne’e ba ita nia Kummunidade sira hotu li-liu ba inan feton sira ne’ebe maka iha ona esperensia ba Violensia atu nune’e bele hola parte iha servisu nudar atendementu klinika ba Fatin Seguru ne’ebe maka fornese ona.
Komandante Polisia Timor-Leste Munisipiu Bobonaro Susperinte Antoninho Mauluta hateten katak PNTL nia kanar atu salva no prevene konflitu ne’ebe maka sira ne’ebe maka kummunidade sira hasoru li-liu ba Violensia Domestika tamba ne’emaka Guvernu liu husi Ministeriu Saude servisu hamutuk ho UNFPA Timor-Leste atu hari Fatin Seguru maibe ne’e laos parmanenti ka keleur no atu atende orjenti deit wainhira iha kazu ruma prozemplu agresaun Fisiku bele atende lalais husi parte saude hodi bele halo trata mentu lalais.
Susperinte Mauluta hatutan tan katak sei wainhira vitima heta kazu ne’ebe maka grabe bele intrega mai iha parte sigurança PNTL hodi bele asegura ba iha fatin ne’ebe maka parte saude perpara ona hodi bele halo prosesu kontinuasaun.(Asesu Youtube/Facebook https://www.facebook.com/Media1Timor Media ONE Timor)
Ita nia komentariu konaba post ne'e.